Leikur dagsins: Akureyri sækir Fram heim í Safamýrina

Annar þriðjungur Olís-deildarinnar hefst í dag, fimmtudag með leik Fram og Akureyrar í Safamýrinni. Leikurinn hefst klukkan 18:00 og enginn vafi á að þar verður hörkuleikur. Þegar liðin mættust hér í Höllinni í fyrstu umferðinni vann Akureyri góðan sigur eftir magnaðan seinni hálfleik.

Síðan hefur gengi liðanna verið býsna ólíkt. Fram sem var ekki spáð vel fyrir tímabilið hefur heldur betur blásið á spádómana og hafa sýnt að með stemmingu og frábærri baráttu að þá komast menn býsna langt.

Hlutirnir hafa ekki verið að falla með Akureyrarliðinu að undanförnu og mikilvægt að strákarnir horfi nú fram á veginn og nái að skapa baráttuanda og trú á sjálfa sig til að klára leikina með stæl. Liðið sýndi til dæmis fína leiki á móti ÍR og Val en vantaði herslumuninn í lokin til að fá eitthvað út úr þeim leikjum.

Við sendum strákunum baráttukveðju í leikinn og treystum þeim til að mæta brjálaðir til leiks!

Halldór Logi stöðvar Framarann Sigfús Pál