Dramatík í Safamýrinni


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Það munaði um Heimi í sóknarleiknum		15. nóvember 2013 - Akureyri handboltafélag skrifar Dramatík í Safamýrinni Það var æsispennandi leikur þegar Akureyri sótti Fram heim í Safamýrina. Akureyri byrjaði með látum og skoraði þrjú fyrstu mörk leiksins, þar af skoraði Kristján Orri tvö glæsimörk úr þröngum færum úr hægra horninu. Framarar vöknuðu þá til lífsins og jöfnuðu í 3-3, áfram var jafnt á flestum tölum og síðast í stöðunni 10-10 en Fram kláraði fyrri hálfleik með þrem síðustu mörkunum og leiddu því 13-10 í hálfleik. Heimir Örn Árnason brá sér í sóknina af og til og skilaði þrem góðum mörkum í hálfleiknum. Akureyrarliðið virtist ekki alveg vera mætt til leiks í upphafi seinni hálfleiks og Framarar náðu fimm marka forskoti 16-11 og 17-12 og virtust vera að gera út um leikinn. Heimir fékk mjög vafasaman tveggja mínútna brottrekstur sem var aukinn í fjórar af eftirlitsdómara fyrir að láta hug sinn í ljós. Við þetta mótlæti efldist þó liðið og með flottum leik unnu strákarnir sig inni í leikinn á ný og minnkuðu muninn jafnt og þétt. Þegar tvær og hálf mínúta var eftir var munurinn kominn niður í eitt mark, 21-20 og allt á suðupunkti. Áfram hélst eins til tveggja marka munur en Akureyri fékk tækifæri til að jafna í síðustu sókn leiksins. Hún var dramatísk, Heimir komst í gegnum Fram vörnina í opið færi en brotið var á honum. Framarinn brotlegi var rekinn af velli en af einhverjum undarlegum ástæðum dæmdu dómararnir einungis aukakast. Bjarni Fritzson tók það og gerði vel í að koma skotinu í gegnum varnarmúrinn en Stephan markvörður Fram náði að verja. Eftir flotta endurkomu í seinni hluta leiksins var verulega svekkjandi að fá ekki stig úr leiknum en svo virðist sem flestir viðstaddir, sama hvoru liðinu þeir tilheyra telji jafntefli hafa verið sanngjörn úrslit og sérstaklega hafi verið þessi aukakastsdómur í blálokin verið rangur. Mörk Akureyrar: Bjarni Fritzson 5 mörk (2 úr vítum), Heimir Örn og Kristján Orri með 4 hvor, Valþór og Þrándur með 3 mörk, Andri Snær 2 og Sigþór Árni með 1 mark. Í markinu átti Jovan Kukobat flottan leik með 15 skot varin, þar af 2 vítaköst. Mörk Fram: Stefán Baldvin Stefánsson 5, Sigfús Páll Sigfússon 4, Garðar B. Sigurjónsson 4 (2 úr vítum), Arnar Freyr Ársælsson 3, Stefán Darri Þórsson, Elías Bóasson og Sveinn Þorgeirsson með 2 mörk hver og Sigurður Örn Þorsteinsson 1 mark. Stephen Nielssen varði 10 skot í marki Fram. Það var margt jákvætt í leik liðsins og vonandi gefur baráttan vísbendingu um það sem koma skal í næstu leikjum sem eru bikarleikur gegn Þrótti á sunnudaginn og síðan heimaleikur gegn ÍR á fimmtudaginn eftir viku. Heimir og Halldór Logi kljást við Svein Þorgeirsson í vörninni. Mynd Valli/visir.is
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson