Handboltahelgin mikla á Akureyri


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Akureyri og HK kljást aftur á sunnudaginn		6. desember 2013 - Akureyri handboltafélag skrifar Handboltahelgin mikla á Akureyri Leikur Akureyrar og HK í gærkvöldi var ágætis forsmekkur að helginni sem segja má að handboltinn ráði ríkjum. Alls verða fjórir leikir í karlaboltanum um helgina þar sem 2. flokkur Akureyrar spilar tvo leiki gegn Haukum, Hamrarnir taka á móti vesturbæjarstórveldinu KR í 1. deildinni og rúsínan í pylsuendanum verður svo bikarslagur Akureyrar og HK í 16-liða úrslitunum. Dagskráin er svohljóðandi: Laugard. 7. des. klukkan 14:00 – 2. flokkur Akureyri – Haukar í Íþróttahöllinni Laugard. 7. des. klukkan 18:00 – Hamrarnir – KR í KA heimilinu (1. deild karla) Sunnud. 8. des. klukkan 10:30 – 2. flokkur Akureyri – Haukar í Íþróttahöllinni Sunnud. 8. des. klukkan 16:00 – Akureyri HK í Íþróttahöllinni (bikarkeppnin) 2. flokkur: Strákarnir í 2. flokki fá verðuga andstæðinga sem eru Haukarnir. Haukar sitja sem stendur í 4. sæti deildarinnar en Akureyri í 6. sæti en bæði lið hafa leikið sex leiki. Þetta er önnur heimaleikjatörn Akureyrarliðsins en fyrir hálfum mánuði tóku þeir á móti Selfyssingum þar sem fyrri leiknum lauk með jafntefli en þeim seinni með góðum sigri Akureyrar. Strákarnir ætla sér öll stigin í þessum leikjum og vonast eftir dyggum stuðningi áhorfenda. Frítt er á leikina. Hamrarnir Stórleikur verður í 1. deild karla á laugardaginn klukkan 18.00 þegar að Hamrarnir taka á móti stórveldinu úr Vesturbænum, KR. Það hefur ekki vantað stemminguna á leikjum Hamranna og nú ætla þeir að taka þetta skrefinu lengra og bjóða upp á ýmsar veitingar fyrir leik og í hálfleik. Grillaðar pylsur og Hleðslu fyrir leik og Jóla kaffi í hálfleik auk þess áhorfendur geta unnið mánaðarbirgðir af Hleðslu-íþróttadrykk. Leikur Hamranna og KR verður í KA heimilinu og það er frítt inn. Coca-Cola bikar karla Síðasti leikur helgarinnar er síðan af stærri gerðinni en það þá mætast Akureyri og HK í 16-liða úrslitum bikarkeppninnar og jafnframt síðasti leikur Akureyrar á árinu. Í bikarkeppninni gildir ekkert nema sigur því tapliðið er einfaldlega úr leik. Þó að Akureyri hafi unnið góðan sigur á HK á fimmtudagskvöldið þá er öruggt mál að þau úrslit gilda ekkert í sunnudagsleiknum. Það er gömul þjóðsaga að þegar lið mætast svona í deild og bikar með örfárra daga millibili þá nái tapliðið í fyrri leiknum að hefna fyrir í þeim seinni. Það verður því verðugt verkefni fyrir Akureyringa, innan vallar sem og í stúkunni að afsanna þessu þjóðtrú og berjast til sigurs því við ætlum okkur svo sannarlega stóra hluti í bikarkeppninni. Athugið að sérstakar reglur gilda um bikarleiki og því gilda ekki hefðbundnir ársmiðar eða stuðningsmannaskírteini heldur verða allir að greiða aðgangseyrinn. Það er sem sé af nógu að taka um helgina og hvetjum við alla stuðningsmenn til að taka virkan þátt í leikjunum.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson