Bjarni Fritzson leikmaður 14. umferðar


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Til hamingju Bjarni og Halldór		15. febrúar 2014 - Akureyri handboltafélag skrifar Bjarni Fritzson leikmaður 14. umferðar Blaðamenn Morgunblaðsins hafa valið úrvalslið 14. umferðar Olís-deildarinnar sem var leikin á fimmtudaginn. Frábær leikur Bjarna Fritzsonar í leik Akureyrar og FH fór ekki framhjá þeim og auk þess að vera valinn hægri hornamaður umferðarinnar þá var Bjarni valinn besti leikmaður umferðarinnar. Halldór Logi Árnason var öflugur í Akureyrarvörninni, og átti stóran þátt í að sigur vannst á FH, ekki síst undir lokin er hann sýndi ótrúleg „Superman-tilþrif“ þegar hann sveif þvert yfir völlinn og handsamaði boltann í hraðaupphlaupssendingu FH-inga. Við óskum Bjarna og Halldóri Loga til hamingju með tilnefningarnar en úrvalslið 14. umferðarinnar er þannig skipað að áliti blaðamanna Morgunblaðsins: Vinstra horn: Einar Pétur Pétursson, Haukum (2) Vinstri skytta: Björgvin Þór Hólmgeirsson, ÍR (4) Miðjumaður: Þorgrímur Smári Ólafsson, Val Hægri skytta: Geir Guðmundsson, Val (3) Hægra horn: Bjarni Fritzson, Akureyri Línumaður: Máni Gestsson, ÍR Markvörður: Hlynur Morthens, Val (2) Varnarmaður: Halldór Logi Árnason, Akureyri Leikmaður umferðarinnar: Bjarni Fritzson, Akureyri Í tilefni af valinu ræddi Guðmundur Hilmarsson, blaðamaður Morgunblaðsins við Bjarna og fer viðtalið hér á eftir. Hef ennþá ótrúlega gaman af því að spila Bjarni Fritzson, spilandi þjálfari Akureyrar, fór mikinn gegn sínum gömlu félögum í FH þegar liðin áttust við í annað sinn á þremur dögum í íþróttahöllinni á Akureyri í fyrrakvöld. Bjarni skoraði 11 mörk í mikilvægum sigri norðanmanna og þessi gamli refur í boltanum skoraði samtals 24 mörk í leikjunum tveimur á móti FH-ingum í vikunni. Bjarni er leikmaður 14. umferðar Olís-deildarinnar að mati íþróttafréttamanna Morgunblaðsins. Bjarna leiðist ekki að skora gegn FH Urðum hreinlega að vinna „Þessir leikir við FH voru mjög líkir. Við vorum svekktir að tapa bikarleiknum en að sama skapi var ánægjulegt að svara fyrir það með því að vinna deildarleikinn. Þetta voru afar mikilvæg stig sem við nældum í. Deildin skiptir öllu máli þó svo að það hefði verið mjög gaman að fara í bikarhelgina í Höllinni. Við urðum hreinlega að vinna þennan leik til að vera með og okkur tókst það. Mér finnst liðið hafa spilað vel á löngum köflum eftir áramótin en til þessa höfum við ekki náð að halda út,“ sagði Bjarni við Morgunblaðið en eins og oft áður er hann á meðal markahæstu leikmanna í deildinni. Bjarni er sem stendur í fimmta sæti yfir markahæstu leikmenn með 69 mörk en Akureyringar eiga leik til góða auk þess sem Bjarni hefur misst af tveimur leikjum vegna meiðsla. Akureyrarliðið er áfram í 7. og næstneðsta sæti deildarinnar en stutt er í liðin fyrir ofan. Færir mönnum bros á varirnar „Markmiðið hjá okkur er að reyna að bæta okkar leik og mér finnst við hafa gert það og það er ánægjulegt. Ég held að þessi sigur á móti FH gefi liðinu trú og sjálfstraust og færi mönnum bros á varirnar. Það er nóg eftir af mótinu og við getum alveg komist í úrslitakeppnina eins og liðin í sætunum fyrir ofan okkur. Við vitum að við getum unnið hvaða lið sem er í deildinni og nú þurfum við bara að halda áfram að þróa okkar leik og verða betri,“ sagði Bjarni. Það urðu talsverðar breytingar á liði Akureyrar fyrir tímabilið. Guðmundur Hólmar Helgason og Geir Guðmundsson, sem höfðu verið í stóru hlutverki með liðinu, gengu til að mynda í raðir Vals og þá er það skarð fyrir skildi að Bergvin Þór Gíslason hefur verið frá keppni vegna meiðsla nær allt tímabilið. „Það urðu miklar mannabreytingar í sumar og svo misstum við Bergvin í meiðsli, en hann var okkar besti maður í fyrra. Svo lentum við í smáútlendingaveseni og allt þetta varð til þess að við þurftum að endurskipuleggja liðið og leikstílinn. Mér finnst þetta allt vera að smella hjá okkur og við spilum skemmtilegri handbolta,“ sagði Bjarni. Gaman en um leið erfitt Bjarni, sem verður 34 ára síðar á árinu, er á sínu fjórða tímabili með Akureyrarliðinu. Fyrstu tvö árin einbeitti hann sér alfarið að spilamennskunni en í fyrra og í ár er hann þjálfari liðsins ásamt Heimi Erni Árnasyni. Spurður hvernig honum gangi að púsla saman þjálfun og spilamennsku segir Bjarni: „Það gengur bara fínt. Heimir Örn er með mér í þessu og svo höfum við fengið Ásgeir Jónsson með okkur. Þetta er gaman en um leið erfitt og mikil áskorun. Maður þroskast við þetta,“ segir Bjarni, sem kann svo sannarlega að koma tuðrunni í net andstæðinganna. „Það hefur aldrei verið neitt teljandi vandamál. Við spilum handbolta sem hentar mér vel og ég hef ennþá ótrúlega gaman af því að spila,“ segir Bjarni. Hann segir óvíst hvað taki við hjá sér eftir tímabilið. „Ég er ekkert farinn að hugsa út í framhaldið. Ég er samningsbundinn félaginu út þetta tímabil og ég reyni bara að njóta augnabliksins. Mér líður hrikalega vel, er búinn að æfa virkilega vel og er í góðu líkamlegu standi. Ég hugsa málið þannig að ég tek bara einn leik í einu enda veit maður aldrei hvenær seinasti leikurinn verður hjá manni,“ sagði Bjarni. Nóg af flottum strákum Hann segir mikinn efnivið fyrir hendi fyrir norðan. „Það eru margir ungir og efnilegir strákar hér á Akureyri og kannski endurspeglar það aðeins óstöðugleikann sem hefur verið hjá okkur í vetur. Ég er ánægður með þessa stráka. Þeir eru hrikalega duglegir, alltaf að bæta sig og eru tilbúnir að leggja á sig mikla vinnu. Það er nóg af flottum strákum á Akureyri og þeir fá tíma og tækifæri en það er verst að þeir fara suður til Reykjavíkur þegar þeir eru orðnir mjög góðir.“ Eftir því hefur verið tekið að stemningin í íþróttahöllinni fyrir norðan er ekki eins mikil og góð og hún var fyrir nokkrum árum þegar höllin var smekkfull á hverjum einasta leik. „Það er ekki sami áhorfendafjöldi og var og þannig virkar þetta ef liðið er ekki í toppbaráttu og gengur vel. Það er samt alltaf góður kjarni sem mætir á leikina okkar og eins og í leiknum á móti FH í gær var frábær stemning og vonandi verður framhald þar á,“ sagði Bjarni, sem verður í eldlínunni með sínum mönnum í Vestmannaeyjum á morgun í frestuðum leik.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson

Bjarni Fritzson leikmaður 14. umferðar

Hef ennþá ótrúlega gaman af því að spila

Urðum hreinlega að vinna

Færir mönnum bros á varirnar

Gaman en um leið erfitt

Nóg af flottum strákum