Sverre Jakobsson í viðtali við fimmeinn.is


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Sverre er að undirbúa flutninginn til Íslands		20. júní 2014 - Akureyri handboltafélag skrifar Sverre Jakobsson í viðtali við fimmeinn.is Við höldum áfram að vitna í viðtöl við nýja leikmenn og þjálfara Akureyrar Handboltafélags. Að þessu sinni birtum við viðtal sem Lúther Gestsson tók við Sverre Andreas Jakobsson, nýráðinn þjálfara og leikmann og birtist á vefnum fimmeinn.is. Í viðtalinu spjalla þeir m.a. um þá reynslubolta sem nú hafa gengið til liðs við félagið, Ingimund Ingimundarson frá ÍR sem á 123 landsleiki að baki, Hreiðar Levý markmann sem á að baki 146 landsleiki og nú síðast Elías Má Halldórsson frá Haukum sem gerði 76 mörk í 19 leikjum í vetur. Sjálfur hefur Sverre náð tæpum 200 landsleikjum. Viðtalið fer hér á eftir: Sverre og Ingimundur í hjarta varnarinnar með íslenska landsliðinu. Mynd visir.is „Það er búið að bæta aðeins á reynsluna í hópinn og ætlunin að blanda þeim saman við yngri og svona graðari leikmenn liðsins, Akureyri hefur misst líka, Bjarni Fritzson er farinn og það var því mikilvægt fyrir okkur að bæta það upp með örvhentum leikmanni og fengum að mínu mati þar afar góðan feng. Við verðum svo ekki með Serbann í markinu á næsta tímabili og því fegnum við Hreiðar Levý til okkar, þannig að það er líka verið að fylla upp í göt sem hafa myndast, við erum ekki bara að bæta við okkur“. Akureyri er búið að stilla upp í góða vörn með þessum mönnum sem hafa komið því Sverre verður leikmaður ásamt því að þjálfa liðið, sjáum við fleiri sóknarmenn koma til liðsins í sumar? „Nei, ég held að þetta sé komið hjá okkur, við erum gríðarlega sáttir með þennan hóp sem kominn er. Við erum með mjög flotta unga stráka í liðinu og við ætlum ekkert að ýta þeim neitt út, enda þessi nýi mannskapur ætlaður til að fylla þau göt sem myndast hafa í liðinu. Það er gott fyrir þessa stráka sem fyrir eru í liðinu að fá reynslumikla menn, en fleiri nöfn, nei nú eru bara allir sáttir. Nú hefst bara vinna við að ná strákunum saman og koma ákveðnum þáttum inn í okkar spil sem að sjálfsögðu mun taka tíma og ég held að allir leikmenn hlakki til vetrarins. Ég vona að þetta nái að skapa smá meiri jákvæðni kringum liðið“. Eftir að búið var að fá Sverre til liðsins gerðust hlutirnir hratt og stór nöfn sáust eins og komið hefur fram, var það einhver krafa hjá Sverre að ákveðnir leikmenn yrðu fengnir? „Nei, ég var ekki með eina einustu kröfu um það, auðvitað hafði maður einhverjar óskir en ég sagði það strax í upphafi að ef einhverjir kæmu þá væri það bara flott og ef engin kæmi þá yrði það bara líka flott. Auðvitað hefðu hlutirnir orðið erfiðari klárlega, við þyrftum að taka stærri skref og kannski þá of fljótt, en það hefði aldrei farið í eitthvað væluskeið hjá mér. Þessir leikmenn komu og það var afar gott, en ég var allan tíman tilbúinn að takast á við það verkefni sem myndi bíða mín þegar ný leiktíð kæmi. Þannig að það var aldrei gerð nein krafa á nýja leikmenn að minni hálfu“. Sverre er væntanlegur norður í júlí Nú lentu Akureyringar í því að missa tvo lykilleikmenn í meiðsli sem þeir voru í nánast allan síðasta vetur að glíma við, hvernig horfur eru með þá? „Það lítur bara vel út, þeir þurfa bara tíma og það er mikilvægt fyrir okkur að hlúa vel að þeim og byggja þá upp bæði líkamlega og andlega. Það fylgja alltaf erfiðleikar hjá leikmönnum að lenda í svo slæmum meiðslum og það er lykilatriði að fara rétt með. Það er þeirra ferill sem er í húfi núna að stóru leiti og þeir þurfa meiri tíma enn pressu. Það er mun skynsamlegra að leyfa þeim yngri að fá meira og stærra hlutverk meðan bataferlið hjá hinum er. Þeir þurfa að vera 100% tilbúnir líkamlega og ekki síður andlega þegar þeir koma. það verður sýnd þolinmæði í þeirra garð, það er alveg á hreinu“. Eru menn búnir að setja sér einhver markmið fyrir veturinn, nú hafa forráðamenn liðsins sagt að staða liðsins síðastliðin 2 ár hafi verið óásættanleg og það sé ekki í boði að vera með liðið í botnbaráttu lengur? „Nei, við höfum ekki talað um neitt slíkt ennþá, ég hef til að mynda ekki mætt sjálfur á æfingu ennþá og hef haft nóg eins og er að sinna landsliðsverkefninu og mínum málum hjá liðinu mínu erlendis, svo er ég að undirbúa flutningana heim, svo ég kem hægt og rólega inn í þetta, ég er í góðu sambandi við Heimi Örn þjálfara. Það má sega að við þurfum bara tíma núna til að fínpússa hlutina, en við verðum klárir í haust. Núna er ég bara spenntur og mig hlakkar mikið til að kynnast þessum ungu og efnilegu strákum sem eru þarna fyrir og hjálpa þeim að ná enn lengra og sínum markmiðum“.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson