Elías Már Halldórsson í viðtali við fimmeinn.is


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Elías ræðir um félagaskiptin		19. júní 2014 - Akureyri handboltafélag skrifar Elías Már Halldórsson í viðtali við fimmeinn.is Eins og komið hefur fram þá er Elías Már Halldórsson genginn í raðir Akureyrar Handboltafélags frá bikar- og deildarmeisturum Hauka. Þessi tíðindi komu ýmsum á óvart enda höfðu engar sögusagnir komist á kreik um málið. Lúther Gestsson brá skjótt við og tók af þessu tilefni viðtal við Elías Má sem birtist á vefmiðlinum fimmeinn.is Lúther náði tali af Elíasi þar sem hann var að kenna Haukaleikmanninum Þórði Rafni Guðmundssyni leyndardóma grilleldamennskunnar en Elías mun vera afar fær á því sviði. Viðtalið fer hér á eftir: „Það var aldrei neitt í spilunum að fara að spila neins staðar annarstaðar en hjá Haukum næsta tímabil og þegar tímabilinu lauk í vor var ég ekkert að hugsa mér til hreyfings. En svo heyrði ég í norðanmönnum fyrir um hálfum mánuði síðan. Þeir vissu að ég væri samningslaus og ákváðu að heyra í mér hljóðið“. Elías í leik með Haukum. Mynd mbl.is „Ég átti mjög gott spjall við Sverre þjálfara þeirra og fannst einfaldlega hans hugmyndir afar spennandi og hvernig hann var búinn að leggja þetta upp. Stefnan er sett hátt næsta tímabil hjá þeim, þarna er komið einvalið lið stórleikara og afar áhugaverðir tímar framundan hjá liðinu. Þetta kannski bara freistaði allt í einu“. „Erfiðasta við þetta allt saman var að hugsa til þess að ég væri að yfirgefa Hauka, þeir hafa reynst mér afar vel, en ég átti svo gott spjall við Patrek Jóhannesson áður en ég fór lengra með viðræður við Akureyri. Hann er mikill fagmaður og við stóðum algerlega sáttir upp frá borðinu. Enda skil ég fullur af þakklæti við félagið og alla í kringum það.“ Aðspurður hvort eitthvað hafi komið upp á borð um að spila erlendis næsta tímabil, sagði Elías það ekki hafa komið upp. „Nei, það held ég ekki, ég tel mig vera búinn með allan þann pakka og kannski var þetta bara það eina sem eftir var hjá manni, að prufa að fara út á land og spila handbolta. Ég er svolítið kannski að loka hringnum með þessu,“ sagði Elías Már að lokum. Elías í nærmynd. Mynd ruv.is
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson