Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Brynjar sneri aftur eftir meiðsli

3. október 2014 - Akureyri handboltafélag skrifar

Háspenna og dramatík í tapi fyrir Val í kvöld

Eins og yfirleitt þegar Akureyri og Valur mætast þá var boðið upp á hörkuspennandi leik þar sem dramatíkin var allsráðandi. Leikurinn var mjög hraður í upphafi, jafnt á öllum tölum upp í stöðuna 6-6 en þá komu þrjú Valsmörk í röð.

Valur hafði yfirhöndina næstu mínúturnar og náði mest fjögurra marka forskoti, 7-11 og 8-12 en þá bitu heimamenn frá sér og minnkuðu muninn í eitt mark 11-12 og aftur í 13-14 en Valsmenn áttu síðasta mark fyrri hálfleiks. Það mark var reyndar ákaflega klaufalegt, fyrst misheppnaðist sending fram í hraðaupphlaup og Elvar Friðriksson skoraði frá miðjum vallarhelmingi Valsmanna en Tomas virtist renna til eða vera óviðbúinn í markinu. Hálfleikstölur því 13-15 Valsmönnum í vil.


Halldór Logi Árnason með mark af línunni

Valsmenn héldu þessu forskoti fyrstu tíu mínútur seinni hálfleiks en þá kom slæmur kafli hjá heimamönnum og Valur náði fimm marka forskoti, 17-22 og 18-23 og útlitið ekki gott. En Akureyri lagði ekki árar í bát og vann sig jafnt og þétt inn í leikinn á ný. Þegar níu mínútur voru til leiksloka jafnaði Halldór Logi Árnason leikinn í 25-25 og Ingimundur kom Akureyri yfir 27-26 þegar fjórar og hálf mínúta var eftir.


Ingimundur með mark af línunni

Akureyri fékk fín færi til að gera út um leikinn í kjölfarið en heilladísirnar voru ekki á þeirra bandi og þess í stað skoruðu Valsmenn síðustu fjögur mörk leiksins og unnu að lokum 27-30.

Auðvitað súrt að fá ekki stig úr leiknum en margt mjög jákvætt hægt að taka úr honum. Sigþór Árni Heimisson fór á kostum í sókninni og Heiðar Þór drjúgur í vinstra horninu. Brynjar Hólm Grétarsson kom inn í liðið á ný eftir að hafa misst af tveim leikjum vegna meiðsla og stóð sig vel.

Varnarleikurinn og markvarslan á köflum ekki alveg eins og best hefði verið á kosið en þó komu góðir sprettir. Valsmenn fengu þó nokkur heppnismörk í leiknum á meðan Akureyri misnotaði alltof mörg dauðafæri og því fór sem fór.

Mörk Akureyrar: Sigþór Árni Heimisson 8 mörk, Heiðar Þór Aðalsteinsson 5 (2 úr vítum), Brynjar Hólm Grétarsson 4, Elías Már Halldórsson, Daníel Örn Einarsson, Halldór Logi Árnason og Ingimundur Ingimundarson 2 mörk hver og loks Kristján Orri Jóhannsson og Þrándur Gíslason sitt markið hvor.
Í markinu varði Tomas 15 skot Bjarki Símonarson kom inná um tíma en án árangurs.

Mörk Vals: Geir Guðmundsson 8 mörk, Guðmundur Hólmar Helgason 6, Elvar Friðriksson 4, Vignir Stefánsson 3, Bjartur Guðmundsson, Finnur Stefánsson, Kári Krisjánsson og Ómar Ingi Magnússon 2 mörk hver og loks Orri Freyr Gíslason með 1 mark.
Hlynur Morthens stóð í marki Vals allan tímann og varði 13 bolta, marga þeirra úr opnum færum.
Geir Guðmundsson var valinn maður Valsliðsins og Sigþór Árni Heimisson maður Akureyrarliðsins og fengu báðir körfu frá Norðlenska að launum.

Það er stutt í næsta leik, á sunnudaginn koma Íslandsmeistarar ÍBV og hefst sá leikur klukkan 15:00.


Áhorfendur stóðu fyrir sínu og koma grimmir til leiks á sunnudaginn

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson