Auðveldur sigur FH í Höllinni


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Þrándur var markahæstur í dag		16. október 2014 - Akureyri handboltafélag skrifar Auðveldur sigur FH í Höllinni FH-ingar sóttu Akureyringa heim í Höllina á Akureyri í kvöld og sóttu tvö mikilvæg stig. Jafnt var á fyrstu tölum leiksins en um miðjan fyrri hálfleik sigldu FH-ingar frammúr og litu aldrei til baka. Eftirfarandi umfjöllun er ættuð frá Siguróla Magna Sigurðssyni. Það var margt um manninn í Höllinni í kvöld þegar að „erkifjendur“ Akureyri Handboltafélags komu í heimsókn. Leikurinn byrjaði fjörlega og var ansi hraður. Heimamenn byrjuðu ívið betur og skoruðu auðveld mörk á FH-ingana. Það breyttist hinsvegar ansi fljótlega, því í stöðunni 6-6 á 13. mínútu leiksins skelltu FH-ingar í lás. Þeir Andri Berg og Ísak Rafnson í miðjublokkinni lokuðu á allt sóknarspil Akureyringa og börðu úr þeim sjálfstraustið. Akureyringar skoruðu ekki í 14 mínútur á meðan FH kom með sjö mörk í röð og breytti stöðunni í 13-6. Sex marka munur var í hálfleik og var fjölmörgum áhorfendum ekki skemmt. Bergvin Þór Gíslason mættur í sóknina eftir langa fjarveru og skoraði tvö góð mörk Ljóst var að seinni hálfleikurinn yrði mikil brekka fyrir heimamenn og gerðu þeir sér ennþá erfiðara fyrir í upphafi með því að tapa boltanum oft á glórulausan hátt. FH komst mest í 8 marka forskot en þá rönkuðu heimamenn örlítið við sér, þó án þess að gera alvöru atlögu að FH. Þrátt fyrir að FH væru tveimur mönnum færri tókst Akureyringum ekki að skora, þetta var bara ekki þeirra kvöld. Akureyri minnkaði mest niður í fimm mörk en lengra komust þeir ekki. Hafnfirðingar léku við hvurn sinn fingur og höfðu gaman að á meðan heimamenn virkuðu pirraðir og eyddu jafnvel allt of miklu púðri í slaka dómara leiksins. Lokatölur urðu 27-20 og sanngjarn sigur FH staðreynd. FH-ingar áttu svör við flestum sóknaraðgerðum heimamanna í dag og skoruðu oft og tíðum glæsileg mörk. Hjá Akureyri var ákveðið andleysi sem einkenndi og jafnvel pirringur. Þeir hafa átt betri daga og vita það sennilega best sjálfir. Þrándur Gíslason var atkvæðamikill á línunni í seinni hálfleiknum Mörk Akureyrar: Þrándur Gíslason 5, Heiðar Þór Aðalsteinsson 4 (3 úr vítum), Brynjar Hólm Grétarsson 3, Sigþór Árni Heimisson 3, Bergvin Þór Gíslason 2 , Kristján Orri Jóhannsson 2 , Sverre Jakobsson 1. Tomas Olason varði 16 skot í markinu, þar af eitt vítakast. Mörk FH: Ísak Rafnsson 6, Ragnar Jóhannsson 5, Benedikt Reynir Magnússon 5, Magnús Óli Magnússon 4, Ásbjörn Friðriksson 4 (2 úr vítum), Daníel Matthíasson 2, Halldór Ingi Jónasson 1. Ágúst Elí Björgvinsson varði 14 skot í markinu.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson