Viðtöl eftir leik Akureyrar og HK


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Tomas og Sverre í viðtölum		14. nóvember 2014 - Akureyri handboltafélag skrifar Viðtöl eftir leik Akureyrar og HK Leikur Akureyrar og HK í gær hefur ekki gefið af sér mikinn fjölda viðtala í fjölmiðlum, þó fundust viðtöl á visir.is og í sportvarpinu á sport.is. Svo skemmtilega vill til að fréttaritararnir þessara miðla hafa greinilega haft nána samvinnu við töku þeirra því þau eru nánast alveg samhljóða. Byrjum á viðtölum Ólafs Hauks Tómassonar á visir.is en hann ræddi við markvörð Akureyrar, Tomas Olason, Sverre Andreas Jakobson og Bjarka Sigurðsson þjálfara HK. Tomas Olason: Þetta skrifast á vörnina „Þetta er ekki skemmtilegasti leikur sem ég hef spilað en samheldnin í liðinu og í stúkunni var frábær,“ sagði Tomas Olason, markvörður Akureyringa. Tomas varði yfir tuttugu bolta í kvöld og var frábær í marki Akureyringa.Hann er hógvær og vill að vörnin fái hrósið fyrir frammistöðu hans í dag. „Þetta var bara frábær vörn. Það er ekki hægt að vera svona góður nema að hafa góða vörn, ég átti nokkur skipti en þetta skrifast á vörnina,“ Hreiðar Levý Guðmundsson, fyrrum landsliðsmarkvörður Íslands, virðist vera á leið til Akureyrar eftir áramót og tekur Tomas samkeppninni fagnandi en sendir skilaboð til Hreiðars að hann þurfi að standa sig til að fá markvarðarstöðuna af sér. „Hann verður bara að sýna sitt eins og ég geri. Ef hann kemur inn og gerir það þá er það bara frábært og verður að hafa það en þangað til þá verður hann bara að sýna sig,“ sagði Tomas. Tomas fékk á sig tvö vítaköst og varði þau bæði Sverre Jakobsson: Allt skref í rétta átt „Við fáum tvö mikilvæg stig eins og heyrðist í lok leiksins. Aftur sigur á heimavelli og þetta er allt skref í rétta átt,“ sagði Sverre Jakobsson, leikmaður Akureyrar eftir leikinn. „Við leggjum grunninn í fyrri hálfleik með því að vera 13-5 yfir en urðum smá værukærir þegar leið á leikinn. Þeir eru nokkrir hjá okkur sem hafa kannski þurft smá tíma til að koma sér inn og var bara spurning hvenær þeir færu að skila meira af sér fyrir liðið. Við sjáum til dæmis Brynjar Hólm, það er mjög jákvætt að sjá hvernig hann kemur inn í liðið. Sýnir sín gæði og er graður á bolta, það er ákveðið verkefni í kringum hann og jákvætt að sjá hann standa sig. Allir komu inn, héldu sínum gæðum og stóðu sig vel en við getum gert mikið betur,“ sagði Sverre sem var ánægður með frammistöðu sinna manna en taldi þá hafa getað gert meira. „Við hefðum getað sett fleiri í viðbót. Við fengum færin en vorum að skjóta í óðagoti, klúðra svolítið og héldum ekki rónni. Við vildum hafa klárað þetta með stærri sigri miðað við hvernig leikurinn spilaðist en við höfum verið að lenda í erfiðri viku hvað meiðsli varðar svo það var mikil rótering á okkur,“ bætti Sverre við. Sverre náði í vítakast í leiknum Bjarki Sigurðsson: Við þurfum að fara í naflaskoðun! „Við vorum skelfilegir í fyrri hálfleik en seinni hálfleikurinn var eins og ég var að vonast eftir. Við þurfum að fara í naflaskoðun með markaskorunina, við skoruðum bara fimm mörk í fyrri hálfleik og það var fínt að halda þeim bara í þrettán mörkum í fyrri hálfleik en að skora bara fimm er ekki boðlegt. Við vorum að taka erfið skot í fyrri hálfleik. Akureyringarnir voru kannski að gera það og þar af leiðandi fer markvörðurinn þeirra að verja einhver skot. Hann hlýtur að hafa verið með um tuttugu bolta varða. Ég vil meina að við getum spilað mikið betur og það sýndum við í seinni hálfleik. Við unnum seinni hálfleikinn að ég held með einu marki eða héldum jöfnu,“ sagði Bjarki Sigurðsson, þjálfari HK eftir leikinn. Bjarki frekar þungur á svip, fylgist með sínum mönnum Það er svo Siguróli Magni Sigurðsson sem ræddi við sömu aðila og birti vídeóviðtölin á sport.is Tomas Olason: Vörnin var góð og ég var heppinn Markvörðurinn Tomas Olason var frábær í sigri Akureyringa gegn HK í kvöld. Hann var þó hógværðin uppmáluð í viðtali eftir leikinn. Sverre: Lítil skref í rétta átt Sverre var sáttur með leik liðsins sem lagði grunninn að sigrinum með frábærri vörn í fyrri hálfleik, smá óðagot á mönnum í lokin. Bjarki Sigurðsson: Fyrri hálfleikurinn var skelfilegur Bjarki Sigurðsson, þjálfari HK, talaði hreint út eftir sannfærandi tap gegn Akureyringum í kvöld.
Fletta milli frétta	Til baka Senda á Facebook