Sjö marka öruggur sigur á Fram


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Elías kvaddi Höllina með átta mörkum		14. desember 2014 - Akureyri handboltafélag skrifar Sjö marka öruggur sigur á Fram Eftir langa bið var loks komið að heimaleik hjá Akureyri í gær þegar tekið var á móti lærisveinum Guðlaugs Arnarssonar. Fram hafði verið á góðu skriði með sigra í síðustu þrem leikjum í deildinni á meðan Akureyri hafði mátt þola erfið töp í síðustu tveim leikjum. Akureyri náði frumkvæðinu í upphafi leiks og komst í 3-1 en náðu aldrei að hrista Framara af sér í fyrri hálfleik sem náðu hvað eftir annað að jafna leikinn. Á síðustu sekúndu hálfleiksins fengu Framarar vítakast og enn eitt tækifærið til að jafna en Tomas Olason varði vítið með tilþrifum og sá til þess að Akureyri fór með eins marks forskot til leikhlés, 13-12. Akureyri hóf seinni hálfleikinn af feikilegum krafti, vörnin óárennileg með Tomas í stuði og sóknarleikurinn gekk með ágætum. Eftir tíu mínútna leik var munurinn orðinn átta mörk, 22-14 og óhætt að segja að úrstlitin væru ráðin. Segja má að á næstu mínútum hafi örlað á nettu kæruleysi hjá leikmönnum Akureyrar sem tóku nokkur illa ígrunduð skot og klúðruðu nokkrum boltum. Framarar náðu á meðan að minnka muninn niður í fimm mörk, 26-21 þegar tíu mínútur voru til leiksloka. Næstu fimm mínútur var ekkert mark skorað. Fram fékk kjörin færi til að minnka muninn enn frekar en Tomas skellti gjörsamlega í lás og varði allt sem kom á markið. Jón Heiðar kom inn í leikinn af krafti og skorar eftir gegnumbrot Það var svo Jón Heiðar Sigurðsson sem braut ísinn þegar hann splundraði Fram vörninni og jók muninn í sex mörk 27-21. Það sem eftirlifði leiks reyndu Framarar að taka tvo til þrjá Akureyringa úr umferð og mikill atgangur í leiknum. Akureyri leysti vel úr þessu og lauk leiknum með sjö marka sigri 31-24. Tomas Olason átti frábæran leik í markinu og varði 22 skot mörg hver úr algjörum dauðafærum , hraðaupphlaup og af línu auk vítakastsins mikilvæga. Heiðar Þór Aðalsteinsson fór meiddur af velli eftir nokkurra mínútna leik og kom ekki meira við sögu í leiknum. Bergvin og Heimir Örn fengu það hlutverk að spreyta sig í vinstra horninu það sem eftir var leiksins. Heiðar Þór meiddist á hné og fær hér aðhlynningu Hannesar sjúkraþjálfara Það spurðist út fyrir leikinn að Elías Már Halldórsson væri á leiðinni frá Akureyri og því væri þetta síðasti heimaleikur hans fyrir liðið. Elías kvaddi Höllina með flottum leik, trúlega sínum besta og endaði markahæstur Akureyringa með átta mörk. Elías Már búinn að rústa vörn Framara og skorar Mörk Akureyrar: Elías Már Halldórsson 8, Kristján Orri Jóhannsson 6 (1 úr víti), Bergvin Þór Gíslason 5, Halldór Logi Árnason 4, Heimir Örn Árnason 3, Sigþór Árni Heimisson 2, Heiðar Þór Aðalsteinsson, Jón Heiðar Sigurðsson og Þrándur Gíslason 1 mark hver. Mörk Fram: Elías Bóasson 5, Kristinn Björgúlfsson 5 (1 úr víti), Garðar Sigurjónsson 4 (3 úr vítum), Arnar Freyr Ársælsson 3, Ólafur Jóhann Magnússon 3, Ólafur Ægir Ólafsson 2, Sigurður Örn Þorsteinsson og Þröstur Bjarkason 1 mark hvor. Markverðir Fram þeir Kristófer Fannar Guðmundsson og Valtýr Már Hákonarson vörðu samtals 9 skot í leiknum. Kristinn Björgúlfsson var valinn besti maður Fram í leiknum Tomas var valinn maður Akureyraliðsins enda með frábæran leik í dag Lokaleikur Akureyrar fyrir áramót er útileikur gegn FH sem verður fimmtudaginn 18. desember.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson