Fimm marka tap gegn Aftureldingu


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Heiðar Þór var markahæstur í leiknum		13. febrúar 2015 - Akureyri handboltafélag skrifar Fimm marka tap gegn Aftureldingu Mosfellingar komu fram hefndum fyrir tapið gegn Akureyri fyrr í vetur þegar liðin mættust í gærkvöldi. Byrjun leiksins var ekki sannfærandi hjá Akureyrarliðinu, sérstaklega ekki sóknarlega og eftir tuttugu mínútna leik var staðan 7-3 fyrir heimamenn í Aftureldingu en þá hafði Akureyri ekki skorað mark í tíu mínútur. Sigþór Árni komst ekkert áleiðis gegn vörn Aftureldingar. Mynd: Kristinn Ingvarsson mbl.is Síðustu tíu mínútur fyrri hálfleiksins var hins vegar allt annað að sjá til liðsins sem kom sér vel inn í leikinn og var munurinn aðeins eitt mark í hálfleik, 11-10. Seinni hálfleikur fór vel af stað, Nicklas jafnaði í 11-11 og nokkru síðar kom Heimir Akureyri yfir 12-13. Skömmu síðar jafnaði Heimir í 14-14 og rúmar tíu mínútur liðnar af hálfleiknum. Í kjölfarið hrundi sóknarleikur Akureyrar og Afturelding gerði í raun út um leikinn með fimm mörkum í röð, staðan orðin 19-14. Lokatölur síðan býsna öruggur sigur Aftureldingar 22-17. Eins og tölurnar bera með sér var sóknarleikur Akureyrar arfaslakur, fjölmargir tapaðir boltar, dauðafæri fóru forgörðum og þrjú vítaköst í súginn. Vörnin stóð fyrir sínu en maður liðsins var klárlega Tomas Olason sem átti frábæran leik í markinu, með um 20 varin skot hreinlega bjargaði hann liðinu frá niðurlægingu. Tomas varði tvö vítaköst og fjölmörg hraðaupphlaup heimamanna. Mörk Akureyrar: Heiðar Þór Aðalsteinsson 5 (3 úr vítum), Nicklas Selvig 4, Heimir Örn Árnason 3, Kristján Orri Jóhannsson 3 (1 úr víti), Bergvin Þór Gíslason og Halldór Logi Árnason 1 mark hvor. Tomas Olason 19 varin skot þar af 2 vítaköst. Mörk Aftureldingar: Örn Ingi Bjarkason 8, Jóhann Jóhannsson 4, Birkir Benediktsson 3, Pétur Júníusson 3, Gestur Ingvarsson 2, Ágúst Birgisson og Böðvar Páll Ásgeirsson 1 mark hvor. Davíð Hlíðdal Svansson varði 15 skot í markinu, þar af 1 víti. Eftir leik kvöldsins er ljóst hvernig leikjaskipulag deildarinnar verður í framhaldinu og svo skemmtilega vill til að liðin mætast aftur í Mosfellsbænum á sunnudaginn og verðum við að vona að liðið nái þá að halda fullum dampi út heilan leik. Þrándur í hörðum slag við Örn Inga markakóng Aftureldingar. Mynd: Kristinn Ingvarsson mbl.is
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson