2. flokkur: Jafntefli á móti Fjölni


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Arnór Þorri skoraði sex mörk í dag		8. mars 2015 - Akureyri handboltafélag skrifar 2. flokkur: Jafntefli á móti Fjölni Strákarnir í 2. flokki fóru illa að ráði sínu á lokamínútunum gegn Fjölni í dag þegar þeir köstuðu frá sér gjörunnum leik og misstu niður í jafntefli. Akureyrarliðið lék lengst af ágætlega í leiknum og leiddi með fjórum mörkum í hálfleik, 15-11. Heimir Pálsson fór mikinn í vinstra horninu en Kristján Sigurbjörnsson mataði hann vel og raunar fleiri með góðum sendingum. Akureyri herti tökin á leiknum í seinni hálfleik og var komið með sex marka forystu og með leikinn í hendi sér. Fjölnismenn gáfust ekki upp og söxuðu jafnt og þétt á forskotið sem virtist þó ekki ætla að duga. Þegar 18 sekúndur voru til leiksloka var staðan 25-24 fyrir Akureyri sem hóf þá sókn eftir leikhlé en í stað þess að halda boltanum var reynd glæfraleg línusending sem mistókst og Fjölnismenn geystust í sókn. Einn Fjölnismanna fékk boltann í fótinn, þaðan fór boltinn í fót Akureyrings án þess að dómarar leiksins sæju nokkuð athugavert. Eftir alla þessa knattspyrnu barst boltinn til Fjölnismanns á línunni sem skoraði jöfnunarmark á lokasekúndu leiksins. Mörk Akureyrar: Arnór Þorri Þorsteinsson 6, Heimir Pálsson 6, Almar Bjarnason 4, Patrekur Stefánsson 4, Kristján Sigurbjörnsson 3, Arnþór Gylfi Finnsson og Róbert Sigurðsson 1 mark hvor. Bernharð Jónsson stóð í markinu allan leikinn og átti ágætan leik. Svekkjandi niðurstaða en með sigri hefðu strákarnir trúlega tryggt sér a.m.k. annað sætið í deildinni.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson