Valssigur á lokamínútunum


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Heiðar Þór átti frábæran fyrri hálfleik í dag		8. mars 2015 - Akureyri handboltafélag skrifar Valssigur á lokamínútunum Það var lengst af hörkuleikur sem Akureyri og Valur buðu upp á í Íþróttahöllinni í dag. Jafnt var á flestum tölum til að byrja með en Valur með undirtökin og náðu þeir mest fjögurra marka forystu undir lok hálfleiksins. En Akureyri átti góðan endasprett og með þrem síðustu mörkum hálfleiksins munaði aðeins einu marki, staðan 11-12 Val í vil. Jón Heiðar Sigurðsson meiddist strax í upphitun og kom ekkert við sögu í leiknum Heiðar Þór Aðalsteinsson fór á kostum í vinstra horninu og var kominn með fimm mörk þegar flautað var til hálfleiks. Kristján Orri og Heiðar Þór skoruðu fyrstu tvö mörk seinni hálfleiks og þar með voru komin fimm Akureyrarmörk í röð og Akureyri komið yfir 13-12. Í framhaldinu var jafnt á öllum tölum upp í 18-18 og tólf mínútur til leiksloka. Hlynur Morthens, markvörður Vals sem undantekningarlítið er þeirra albesti maður hér í Íþróttahöllinni var þá tekinn af leikvelli og í Valsmarkið kom Stephen Nielsen. Sú skipting reyndist heldur betur afdrifarík því Nielsen hreinlega lokaði markinu, varði hvert dauðafærið á fætur öðru og í kjölfarið fengu Valsmenn auðveld mörk úr hraðaupphlaupum. Sex mörk Valsmanna í röð á tíu mínútna kafla breyttu stöðunni í 18-24 og þar með gerðu þeir út um leikinn. Þetta bil varð ekki brúað og óþarflega stór sigur Valsmanna staðreynd, 20-26. Guðmundur Hólmar Helgason reyndist sínum fyrri félögum erfiður, átta mörk og fjölmargar sendingar sem gáfu mörk. Varnir beggja liða voru sterkar allan leikinn en segja má að þeir frændur Guðmundur Hólmar og Geir Guðmundsson hafi verið munurinn á liðunum, saman skoruðu þeir helming marka Valsliðsins, 13 talsins. Tekið hef eg hvolpa tvo! Sverre sterkur í vörninni með þá Kára Kristján og Guðmund Hólmar í takinus Mörk Akureyrar: Heiðar Þór Aðalsteinsson 7 (2 úr vítum), Kristján Orri Jóhannsson 4, Nicklas Selvig 3, Bergvin Þór Gíslason 2, Halldór Logi Árnason, Heimir Örn Árnason, Ingimundur Ingimundarson og Þrándur Gíslason 1 mark hver. Í markinu varði Hreiðar Levý Guðmundsson 7 skot þar af 1 vítakast og Tomas Olason 3 skot. Mörk Vals: Guðmundur Hólmar Helgason 8, Geir Guðmundsson 5, Finnur Ingi Stefánsson, Kári Kristján Kristjánsson og Vignir Stefánsson 4 mörk hver og Atli Már Báruson 1 mark. Í markinu vörðu Hlynur Morthens 8 skot og Stephen Nielsen 5 skot. Það voru svo Heiðar Þór Aðalsteinsson og Guðmundur Hólmar Helgason sem voru valdir bestu menn liðanna og fengu veglega matarkörfu frá Norðlenska að launum. Heiðar Þór Aðalsteinsson maður Akureyrarliðsins í leiknum Næsti leikur Akureyrar er útileikur á móti HK laugardaginn 14. mars.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson