Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Heimir var einn af fáum leikmönnum Akureyrar sem var með lífsmarki

30. mars 2015 - Akureyri handboltafélag skrifar

Brotlending gegn FH í síðari hálfleik

Eftir tvo flotta leiki Akureyrarliðsins má segja að FH-ingar hafi kippt mönnum harkalega niður á jörðina aftur. Það var flott mæting í Höllina og allar aðstæður fyrir hendi til að skapa skemmtilega umgjörð fyrir spennandi leik.


Það var flott mæting á leikinn

En því miður þá var byrjun Akureyrarliðsins engan vegin í lagi og FH tók öll völd á vellinum. Eftir níu mínútna leik var staðan orðin 1-5 fyrir FH og skömmu síðar 3-8. FH þurfti ekki að hafa mikið fyrir hlutunum. Skytturnar Magnús Óli og Andri Berg fengu óáreittir að dúndra á markið og nýttu sé það.

Afmælisbarnið Tomas fann sig ekki í markinu og Bjarki Símonarson tók við og hann átti hreint magnaða innkomu og varði allt hvað af tók. Þetta kveikti í liðinu og smátt og smátt saxaði liðið niður forskot Hafnfirðinga niður í tvö mörk, 7-9 og sá munur var einmitt í hálfleik, 12-14.

Menn gerðu sér vonir um að liðið væri komið á beinu brautina og ekki síst þegar Þrándur Gíslason minnkaði muninn í eitt mark, 13-14 með fyrsta marki seinni hálfleiks. En Adam var ekki lengi í Paradís því FH-ingar tvíefldust, skoruðu næstu þrjú mörk og gerðu í kjölfarið hreinlega út um leikinn með sex mörkum í röð, tíu marka munur, 14-24 og leikur heimamanna algjörlega í molum. Tvö mörk á tuttugu mínútum segir eiginlega allt.

Ingimundur fékk beint rautt spjald fyrir að trufla hraðaupphlaup og þrjú víti af fjórum fóru forgörðum. Síðustu tíu mínútur leiksins voru nánast formsatriði, Tomas Olason kom aftur í markið og varði vel, sömuleiðis fengu ungu strákarnir Arnór Þorri Þorsteinsson og Birkir Guðlaugsson tækifæri í sókninni og skoruðu báðir.


Birkir Guðlaugsson klárar færið með sóma

Mörk Akureyrar: Heiðar Þór Aðalsteinsson 5 (1 úr víti), Heimir Örn Árnason 4, Kristján Orri Jóhannsson 3, Bergvin Þór Gíslason 2, Þrándur Gíslason 2, Arnór Þorri Þorsteinsson, Birkir Guðlaugsson og Ingimundur Ingimundarson 1 mark hver.
Í markinu varði Tomas Olason 10 skot (1 vítakast) og Bjarki Símonarson 9 skot.

Mörk FH:Magnús Óli Magnússon 6, Andri Hrafn Hallsson 5, Þorgeir Björnsson 5, Ísak Rafnsson 4, Andri Berg Haraldsson 3, Daníel Matthíasson, Halldór Ingi Jónasson, Stefán Tómas Þórarinsson og Theodór Ingi Pálmason 1 mark hver.
Í marki FH varði Ágúst Elí 14 skot, þar af tvö víti og undir lokin kom Brynjar Darri í markið, varði 2 skot þar af eitt vítakast.

Bjarki Símonarson var valinn maður Akureyrarliðsins en frábær innkoma hans í markið gaf tóninn í viðsnúningi leiksins í fyrri hálfleik og von sem því miður entist ekki. Magnús Óli Magnússon var valinn maður FH liðsins.


Bjarki Símonarson maður Akureyrarliðsins

Í öðrum leikjum kvöldsins lögðu Haukar Fram og fara því upp fyrir Akureyri, í 5. sætið en ÍBV tapaði hinsvegar gegn HK og Akureyri stendur því í 6. sæti deildarinnar fyrir lokaumferðina.

Lokaleikur Akureyrarliðsins í deildinni verður gegn ÍR á fimmtudaginn í Breiðholtinu og þar þurfa menn heldur betur að gíra sig upp eftir þennan skell.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson