
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Stebbi á hliðarlínunni með Akureyri

5. apríl 2015 - Akureyri handboltafélag skrifar

Stefán Árnason spáir í úrslitakeppnina

Nú þegar úrslitakeppnin er að fara að hefjast ákváðum við að heyra í nokkrum spekingum frá Akureyri til að fara yfir úrslitakeppnina og spá í spilin. Stefán Árnason var aðstoðarþjálfari Akureyrar tímabilið 2008-2009, einnig var Stebbi stór partur af heimasíðu félagsins á fyrsta tímabili Akureyrar 2006-2007. Í dag þjálfar Stefán yngri flokka ÍBV í Vestmannaeyjum og hefur náð frábærum árangri. Sjáum hvernig hann sér 8-liða úrslitin spilast:

Valur – Fram: 2-0
Valsmenn eru með mun sterkara lið en Framarar sem eru örugglega mest ánægðir með að hafa haldið sér uppi í deildinni. Valur varð verðskuldað deildarmeistari enda með besta hópinn í deildinni, sér í lagi með afar öfluga vörn og besta markvörðinn. Valur klárar þetta í tveimur leikjum og tryggir að ekki of mikil orka fari í fyrstu viðureign úrslitakeppninnar.

Afturelding – ÍBV: 2-1
Þessi rimma er strembin vegna meiðslastöðunnar. Afturelding er með mun meiri breidd og ef allt er eðlilegt fara þeir í gegnum Eyjamenn sem glíma við slæm meiðsli hjá lykilmönnum. Ég spái því að Afturelding fari áfram þó svo að ÍBV vinni heimaleikinn sinn. Aftur á móti myndi ég snúa þessari spá við yfir í 1-2 ef mikilvægasti leikmaður deildarinnar um þessar mundir, Magnús Stefánsson, myndi ná bata og spila heill heilsu sem er ólíklegt.

ÍR – Akureyri: 1-2
ÍR liðið hefur ekki verið sannfærandi eftir áramót og með þunnan hóp. Hins vegar bætist hinn magnaði Björgvin Hólmgeirsson væntanlega við liðið sem styrkir þá gríðarlega enda markahæsti maður deildarinnar þrátt fyrir að hafa misst af 5 leikjum. Úrslitakeppnin er hins vegar eini séns Akureyrar að gera eitthvað úr tímabilinu og nú fara hlutirnir að snúast meira um vörn og markvörslu og þar gæti lið Akureyrar smollið. Munurinn á liðunum er einfaldlega sáralítill, þó svo um 3. og 6. sæti sé að ræða, og hugsa ég að vörn/markvarsla Akureyrar muni ráða úrslitum og Akureyri fari áfram.

FH – Haukar: 0-2
Halldór Jóhann Sigfússon hefur að mínu mati verið þjálfari ársins til þessa. Gert frábæra hluti (heimaleikjaréttur og bikarúrslit) með afar þunnan hóp FH-inga og skyttulausir hægra megin eftir áramót. Nú kemst Dóri vinur minn því miður ekki lengra því Haukar eru með öflugra lið og fleiri góðar stöður á vellinum. Haukar voru versta mögulega lið sem FH gat fengið og spái ég því að þeir vinni fyrsta leikinn í Krikanum. Fylgja þeir því svo eftir með heimasigri tveimur dögum seinna.

Stefán er sonur Árna Stefáns og tókust þeir feðgar á í leik Akureyrar og HK 4. mars 2009

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson