13.534 fylgdust með beinu lýsingunni, hvar er RÚV?


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Umfjöllun RÚV um Íslenskan handbolta er ábótavant		12. apríl 2015 - Akureyri handboltafélag skrifar 13.534 fylgdust með beinu lýsingunni, hvar er RÚV? Athugið að þessi grein er viðhorf höfundar og þarf ekki endilega að endurspegla viðhorf Akureyrar Handboltafélags. Eins og flestir vita þá féll Akureyri úr leik í dag í úrslitakeppninni eftir naumt tap gegn ÍR í algjörlega frábærum handboltaleik. Jafnt var á með liðunum í gegnum allan leikinn og hasarinn og spennan var í algjöru hámarki. Bæði lið vel studd af stuðningsmönnum og flottar trommusveitir báðum megin. Við lýstum leiknum hér á Akureyrarsíðunni eins og við höfum gert frá upphafi Akureyrar Handboltafélags. Magnaðar tölur sáust í dag en 13.534 kíktu á lýsinguna okkar frá leiknum, við skulum taka það í samhengi við það að á sama tíma eru stóru miðlarnir Morgunblaðið og Vísir einnig að lýsa leiknum. Við þökkum kærlega fyrir að okkar þjónusta sé nýtt og það í þessum mæli. En á sama tíma lýsi ég eftir Ríkissjónvarpinu (RÚV), hvernig þeim dettur í hug að láta 8-liða úrslit karla og kvenna klárast án þess að sýna einn einasta leik er alveg fáránlegt. Af hverju er verið að eyða peningum í að opna Íþróttahliðarrás þegar hún er svo ekki notuð? Þessar tölur sem ég bendi á sýna skýrt og greinilega að ekki vantar áhugann á Íslenskum handbolta. Og þvílíkur leikur sem ekki var sýndur hér í dag, og vegna niðurstöðunnar líklega lokaleikur bæði Heimis og Sverre sem leikmenn. Svo eru örstuttir 10-15 mínútna þættir gerðir til að segja frá því sem gerðist í leikjunum en hvenær eru þeir sýndir? Jú eftir klukkan ellefu á kvöldin! Flott fyrir unga handboltakrakka að eiga vera farin í háttinn þegar hetjurnar eru loksins sýndar í sjónvarpinu. Akureyri Handboltafélag fékk ekki einn sjónvarpsleik á þessu tímabili sem er hneysa, lið sem vel er fylgst með og fjöldinn allur af áhangendum sem myndu glaðir horfa á liðið í sjónvarpinu þegar leikið er fyrir sunnan. En þetta er ekkert nýtt að Akureyri fái ekki mikla athygli frá Ríkissjónvarpinu. Þetta hefur gerst áður að heilt tímabil líði og enginn leikur liðsins sé sýndur. Að lokum vil ég benda á „skemmtilega“ frétt héðan af síðunni frá árinu 2006 þar sem við tókum saman sjónvarpsleiki RÚV og röðuðum liðunum upp eftir fjölda leikja. Niðurstaðan kemur ekki á óvart! (bendi þó á að Akureyri fékk tvo sjónvarpsleiki á því tímabili eftir að þessi grein birtist) Ótrúleg ósanngirni Með handboltakveðju Ágúst Stefánsson
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson