Slæmt tap fyrir Gróttu í kvöld


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Ingimundur var öflugur bæði í sókn og vörn		12. október 2015 - Akureyri handboltafélag skrifar Slæmt tap fyrir Gróttu í kvöld Það var mikið undir í leik kvöldsins þegar Akureyri fékk nýliða Gróttu í heimsókn. Leikurinn fór fjörlega af stað, jafnt á flestöllum tölum upp í 7-7. Hreiðar Levý varði eins og berserkur, þar á meðal tvö vítaköst frá Finni Inga helsta markaskorarar Gróttumanna. Ingimundur Ingimundarson tók stöðu Sigþórs Árna í sókninni en Sissi var tæpur af meiðslum og varð fljótlega að yfirgefa völlinn. Ingimundur sýndi mögnuð tilþrif og skoraði fjögur mörk í röð á þessum kafla. Ingimundur á fljúgandi ferð og skorar eitt af fjórum mörkum sínum Ítrekaður klaufagangur Akureyrar í sókninni færði Gróttu hvert hraðaupphlaupið eftir annað og þannig komu fyrstu fjögur mörk þeirra öll eftir hraðaupphlaup. Í stöðunni 6-7 fyrir Gróttu fékk varnarjaxlinn Þráinn Orri beint rautt spjald fyrir að fara gróflega í andlitið á Bergvin og virtist nokkuð ljóst að dagskipunin í Gróttuvörninni var að stöðva Begga með öllum tiltækum ráðum. Bergvin fékk heldur betur að kenna á því frá Gróttuvörninni Ingimundur jafnaði skömmu síðar í 7-7 en í kjölfarið varð umsnúningur á leiknum. Rauða spjaldið virtist hleypa Gróttumönnum kapp í kinn á meðan Akureyrarliðið slakaði á og rétti Gróttumönnum boltann hvað í annað boltann á silfurfati í sókninni. Seltirningar létu slíkt kostaboð ekki fram hjá sér fara og skoruðu sex mörk gegn einu fram að hálfleik þar sem þeir leiddu 8-13. Grótta hóf seinni hálfleikinn með fyrstu tveim mörkunum og forystan orðin sjö mörk, 8-15. Þá loksins náðu heimamenn að hemja yfirgang gestanna og munaði þar mest um innkomu Brynjars Hólm í sóknarleikinn en hann átti flottan leik og hefði að ósekju mátt koma fyrr inná. Brynjar skoraði fimm mörk í hálfleiknum, flest með bylmingsskotum auk þess að vinna eina vítakastið sem liðið fékk í leiknum. Brynjar Hólm bombar á markið - fimm mörk í dag Þrátt fyrir þennan sprett náðist aldrei að minnka muninn niður fyrir fjögur mörk og í blálokin þegar úrslitin voru ráðin skoruðu Gróttumenn tvö síðustu mörk leiksins og unnu sex marka sigur, 21-27. Þessi úrslit voru að sjálfsögðu gríðarleg vonbrigði því í stað þess að slíta sig þokkalega frá Gróttu á botninum þá eru liðin jöfn með fjögur stig og Grótta meira að segja komin með betri stöðu í innbyrðis leikjum liðanna. Mörk Akureyrar: Brynjar Hólm Grétarsson 5, Heiðar Þór Aðalsteinsson og Ingimundur Ingimundarson 4 mörk hvor, Kristján Orri Jóhannsson 3, Halldór Logi Árnason 2, Andri Snær Stefánsson, Garðar Már Jónsson og Hörður Másson 1 mark hver. Hreiðar Levý stóð lengst af í markinu og varði 12 skot, þar af 2 víti. Tomas Olason kom í markið undin lokin og varði 3 skot. Mörk Gróttu: Júlíus Þórir Stefánsson 8, Viggó Kristjánsson 6, Guðni Ingvarsson 4, Daði Gautason 3, Styrmir Sigurðarson og Finnur Ingi Stefánsson 2 hvor, Þráinn Orri Jónsson og Árni Benedikt Árnason 1 mark hvor. Lárus Helgi Ólafsson varði 8 skot og Lárus Gunnarsson 5. Ingimundur og Guðni Ingvarsson voru valdir bestu menn sinna liða og fengu glæsilega matarkörfu frá Norðlenska að launum. Næsti leikur Akureyrar verður ekki fyrr en fimmtudaginn 22. október, heimaleikur gegn ÍR þar sem útileiknum gegn ÍBV sem átti að vera í millitíðinni hefur verið frestað fram í desember.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson