Hörkusigur Akureyrar á FH ingum í kvöld


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Toms Olason lagði svo sannarlega sitt að mörkum í dag		19. nóvember 2015 - Akureyri handboltafélag skrifar Hörkusigur Akureyrar á FH ingum í kvöld Það var mikið fjör og stemming þegar Akureyri tók á móti FH-ingum í kvöld. Eftir slæmt tap fyrir Haukum á mánudaginn var greinilegt að Akureyrarliðið ætlaði sér að svara fyrir þann leik inni á vellinum. Dómarar leiksins voru þó í aðalhlutverki á upphafssekúndunum þegar þeir gáfu Halldóri Loga Árnasyni rautt spjald eftir einungis 45 sekúndna leik. Þetta er trúlega met í sögu Akureyrar hvað snemmbært rautt spjald varðar. Hins vegar sést það vel í sjónvarpsupptöku að dómarar leiksins höfðu rangt fyrir sér og þessi dómur yfir Halldóri alrangur. FH-ingar nýttu sér yfirtöluna vel og skoruðu fyrstu tvö mörk leiksins. En þar með skelltu heimamenn líka heldur betur í lás og skoruðu næstu sjö mörk. Varnarleikurinn gjörsamlega til fyrirmyndar og FH-ingar fundu hreinlega enga leið að Akureyrarmarkinu. Þeir tóku þó smákipp með næstu þrem mörkum en því var svarað jafnharðan með fjórum norðlenskum mörkum á móti, staðan orðin 11-5 og stutt til leiksloka. Áfram var haldið og á lokasekúndu fyrri hálfleiksins innsiglaði Ingimundur sjö marka forskot heimamanna með stórbrotnu marki 14-7 hálfleikstölur. Sigþór Árni var FH-ingum erfiður fjögur mörk og fiskaði fjögur vítaköst Eins og tölurnar bera með sér voru yfirburðir Akureyrarliðsins algjörir á öllum sviðum leiksins. Hreiðar Levý var með 6 bolta varða sem er þó um 50% markvarsla sem segir mikið til hvað vörnin var svakaleg þar sem Ingimundur og Róbert Sigurðarson vörðu á við meðal markvörð í hávörninni. Akureyrarliðið hélt sinni siglingu áfram og varð munurinn mestur níu mörk, en staðan varð 19-10 fyrir Akureyri. Leikurinn gjörunninn en óþarfi að sýna gestunum þá gestrisni sem Akureyraliðið bauð upp á í kjölfarið. FH-ingar gengu á lagið og minnkuðu muninn í þrjú mörk, 21-18 en þá sögðu menn hingað og ekki lengra og kláruðu leikinn með stæl, lokatölur 25-20 og tvö dýrmæt stig í hús. Tomas Olason kom í markið á lokakaflanum og Andri Snær leysti Heiðar Þór af í vinstra horninu. Þeir settu heldur betur mark sitt á leikinn, Tomas hreint frábær í markinu og Andri harður af sér bæði í vörn og sókn. Mörk Akureyrar: Kristján Orri Jóhannsson 5, Andri Snær Stefánsson 4 (2 úr vítum), Bergvin Þór Gíslason 4, Sigþór Árni Heimisson 4, Brynjar Hólm Grétarsson 2, Heiðar Þór Aðalsteinsson 2 (1 úr víti), Hörður Másson 2, Ingimundur Ingimundarson og Róbert Sigurðarson 1 mark hvor. Í markinu varði Hreiðar Levý Guðmundsson 7 skot og Tomas Olason 9 skot. Mörk FH: Ásbjörn Friðriksson 10 (1 úr víti), Einar Rafn Eiðsson 3, Andri Berg Haraldsson 1, Daníel Matthíasson 1, Þorgeir Björnsson 1, Theodór Ingi Pálmason 1, Halldór Ingi Jónasson 1, Jóhann Birgir Ingvarsson 1 og Benedikt Reynir Kristinsson 1. Tomas og Ásbjörn voru í leikslok valdir bestu menn sinna liða og fóru heim með dýrindis matarkörfur frá Norðlenska að launum. Eins og tölurnar bera með sér var Ásbjörn Friðriksson yfirburðamaður í liði FH ásamt markverðinum Ágústi Elí Björgvinssyni sem varði 17 bolta i leiknum. Ásbjörn Friðriksson var yfirburðamaður í liði FH með 10 mörk Með þessum sigri lyfti liðið sér upp um tvö sæti, uppfyrir bæði ÍR og FH en baráttan um miðbik deildarinnar er feykilega hörð og hvert stig dýrmætt. Framundan er útileikur gegn Fram fimmtudaginn 26. nóvember og síðan bikarleikur gegn Stjörnunni, sömuleiðis á útivelli mánudaginn 30. nóvember. Tomas Olason var maður Akureyrarliðsins í dag
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson