Ágúst Elí lokaði á Akureyri - tap í Krikanum


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Ásbjörn reyndist okkur erfiður í kvöld		19. febrúar 2016 - Akureyri handboltafélag skrifar Ágúst Elí lokaði á Akureyri - tap í Krikanum Akureyri mætti FH í mikilvægum leik í Kaplakrika í kvöld. Bæði lið þurftu á sigrinum að halda en með sigri hefði Akureyri verið aðeins stigi frá 3. sætinu en FH-ingar gátu farið langleiðina með að tryggja sæti sitt í deildinni með sigri. Akureyri byrjaði leikinn af krafti og komst fljótlega í 2-5. Boltinn gekk vel og varnarlega áttu heimamenn engin svör við uppstilltri vörn Akureyrar. En um leið og sóknin fór að hiksta voru FH-ingar fljótir að koma sér inn í leikinn. Þeir nýttu sér hraðann, skoruðu mikið úr hröðum sóknum og sneru leiknum við. Staðan var 13-11 í hálfleik og ljóst að okkar menn þurftu að finna taktinn betur. FH-ingar skoruðu fyrstu tvö mörkin í síðari hálfleik og héldu góðu taki á leiknum það sem eftir var. Sóknarleikur Akureyrar gekk erfiðlega en þegar menn fengu færin þá var Ágúst Elí iðulega fyrir í rammanum og sá til þess að heimaliðið sótti stigin tvö. Á endanum varði Ágúst Elí 26 skot í markinu og ansi mörg þeirra úr dauðafærum. Það sem verra var hinsvegar er að okkar lið hóf leikinn af miklum krafti og virtist ætla að stinga af en þá hvarf neistinn og sami taktur náðist aldrei aftur. Tomas Olason var mjög flottur í markinu í dag og varði 19 skot (þar af 1 vítakast) en fyrir framan hann var einnig mjög flott vörn og er hrein unun að fylgjast með Ingimundi og Róberti í hjarta varnarinnar. Þegar náðist að stilla upp í vörn áttu FH-ingar í miklum vandræðum en um leið og þeir náðu að koma hratt á vörnina endaði boltinn oftast í netinu. Sóknarlega vantar meira bit í liðið, Bergvin Þór setti að vísu 5 mörk og var að reyna allan leikinn og Halldór Logi var öflugur á línunni. Það hinsvegar þarf að koma meira útúr Sigþóri Árna og Brynjari Hólm en samtals gerðu þeir 1 mark úr 12 skotum. Þessi úrslit þýða þá að Akureyri er enn þremur stigum frá 3. sætinu en að sama skapi aðeins stigi fyrir ofan 8. sætið sem er síðasta sætið sem gefur þátttökurétt í úrslitakeppninni. ÍR-ingar eru líklegast fallnir og því ljóst að í síðustu sex umferðunum er Akureyri að berjast um að ná sem bestu sæti fyrir úrslitakeppnina. Nú eru tæpar tvær vikur í næsta leik sem vonandi munu nýtast vel í að koma mönnum í betra stand enda liðið búið að vera ansi laskað að undanförnu.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson