Andri Snær er kominn með strákana í úrslitaleikinn
| | 23. febrúar 2016 - Akureyri handboltafélag skrifar4. flokkur KA í bikarúrslitum um helginaLið Akureyrar komst ekki í bikarúrslitahelgina að þessu sinni en engu að síður er lið frá Akureyri í bikarúrslitum nú um helgina. Eldra árið í 4. flokki hjá KA tryggði sér sæti í úrslitaleiknum með góðum heimasigri á Fylki 23-19 eftir að hafa verið 11-12 undir í hálfleik.
Þjálfarar í flokknum eru okkur góðkunnir en það eru þeir Andri Snær Stefánsson og Jón Heiðar Sigurðsson. Andri Snær er fyrirliði meistaraflokks og Jón Heiðar er fyrrum leikmaður liðsins en hann lagði skóna á hilluna eftir síðasta tímabil.
Við hvetjum að sjálfsögðu alla til að kíkja í Laugardalshöllina og styðja strákana áfram en þeir leika á sunnudeginum klukkan 13:00. Leikurinn verður einnig sýndur á SportTV.
Efri röð frá vinstri: Jón Heiðar Sigurðsson þjálfari, Ágúst Elfar Ásgeirsson, Jónatan Marteinn Jónsson, Brynjar Valur Valgeirsson, Davíð Matthíasson, Andri Snær Stefánsson þjálfari.
Neðri röð frá vinstri: Jón Ellert Magnússon, Bjarki Freyr Árnason, Dagur Gautason, Almar Jóhannsson, Starri Bernharðsson og Sveinn Áki Ólafsson.
Á myndina vantar Ottó Björn Óðinsson, Angantý Mána Gautason og Frey Jónsson. |
Úrvalsdeild karla
Senda skilaboð
Vefur KA
Vefur Þór
Fréttaleit
Þú flettir milli frétta með örvalyklunum eða smellir á bláu örvarnar!