Haukarnir reyndust of stór biti fyrir Akureyri


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Tomas var magnaður og valinn maður Akureyrarliðsins		3. mars 2016 - Akureyri handboltafélag skrifar Haukarnir reyndust of stór biti fyrir Akureyri Leikur Akureyrar og Hauka lofaði góðu lengi framan af. Akureyri komst í 2 – 0 í upphafi þar sem Tomas Olason fór mikinn í markinu. Eftir að Akureyri komst í 3 – 1 tóku Haukar við sér og komust yfir en Akureyri jafnaði í 5 – 5 þegar sextán mínútur voru liðnar af leiknum. Staðan hélst óbreytt dágóða stund þar sem markverðir beggja liða fóru hamförum. Það voru Haukar sem hjuggu á hnútinn og komu sér í vænlega stöðu fyrir leikhlé en þá leiddu þeir 6 - 11. Halldór Logi Árnason var gríðarlega öflugur á línunni, fimm mörk og fiskaði 3 víti Munurinn hélst 4 til fimm mörk framan af seinni hálfleik en þá slitu Haukar sig jafnt og þétt frá. Sókn Akureyrarliðsins hikstaði og virtust menn ekki alveg hafa trú á verkefninu enda Haukarnir ógnarsterkir. Þegar sjö mínútur lifðu af leiknum var munurinn orðinn tíu mörk, 12 – 22 og úrslitin ráðin. Þegar upp var staðið blasti við ellefu marka sigur Hauka, 17-28 og fátt sem getur komið í veg fyrir að Haukar verði Deildarmeistarar í ár. Mörk Akureyrar: Halldór Logi Árnason 5, Kristján Orri Jóhannsson 4 (3 úr vítum), Bergvin Þór Gíslason 3 (1 úr víti), Andri Snær Stefánsson 2 (1 úr víti), Sigþór Árni Heimisson 2 og Hörður Másson 1 mark. Tomas Olason var klárlega maður liðsins en hann varði tuttugu og eitt skot, þar af eitt vítakast. Tomas Olason átti enn einn stórleikinn og ver hér vítakast fré Elíasi Má Mörk Hauka: Brynjólfur Snær Brynjólfsson og Hákon Daði Styrmisson 6 mörk hvor, Janus Daði Smárason 5, Adam Haukur Baumruk og Elías Már Halldórsson 3 mörk hvor, Einar Pétur Pétursson 2 mörk, Heimir Óli Heimisson, Jón Þorbjörn Jóhannsson og Leonarð Þorgeir Harðarson 1 mark hver. Líkt og hjá Akureyri var Giedrius markvörður besti maður liðsins en hann varði 20 skot þar af eitt víti. Grétar Ari Guðjónsson kom í Haukamarkið í lokin og stóð vel fyrir sínu, 7 varin skot og þar á meðal vítakast. Það er stutt í næsta leik hjá Akureyri, útileikur gegn Víkingum á sunnudaginn og nú þarf bara að fara í það verkefni af fullum krafti.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson