Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Heimir, Hafþór og Sigþór voru drjúgir í markaskoruninni





8. október 2016 - Akureyri handboltafélag skrifar

2. flokkur: Öruggur sigur Akureyrar á Fram

Fyrsti heimaleikur Akureyrar í 2. flokki karla var í dag þegar strákarnir tóku á móti Fram. Smá skrekkur virtist vera í báðum liðum í upphafi og nokkuð um tapaða bolta og þess háttar. Fram höndlaði þetta betur og komst yfir í stöðunni 2-3 en það reyndist vera í eina skiptið í leiknum.

Þar með hrökk Akureyrarliðið í gang og skoraði 8 mörk gegn 1 á næstu mínútum og staðan orðin 10-4. Arnar Þór Fylkisson skellti í lás í markinu en hann var frábær, sérstaklega í fyrri hálfleiknum. Örugg forysta heimamanna í hálfleik 14-8.


Arnar Þór Fylkisson var með 12 varða bolta í fyrri hálfleiknum í dag

Trúlega töldu heimamenn sigurinn vera í höfn því þeir mættu ákaflega værukærir til seinni hálfleiks og eftir þrettán mínútna leik höfðu Framarar minkað muninn í eitt mark, 16-15. Þá kviknaði aftur á liðinu og endurtóku strákarnir 8-1 kaflann frá fyrri hálfleiknum og breyttu stöðunni snarlega í 24-16.

Í kjölfarið var öllu byrjunarliðinu skipt útaf þannig að allir fengu að spreyta sig. Þetta nýttu Framarar sér og náðu að saxa á forskotið en það dugði ekki og lokatölur þriggja marka sigur 26-23.

Mörk Akureyrar: Heimir Pálsson 6 (3 úr vítum), Hafþór Vignisson 5, Sigþór Gunnar Jónsson 5, Vignir Jóhannsson 4, Kristján Garðarson 2, Daði Jónsson, Elvar Reykjalín, Jason Orri Geirsson og Jóhann Einarsson 1 mark hver.
Arnar Þór Fylkisson stóð lengst af í markinu með 17 skot varin, þar af eitt vítakast. Á lokamínútunum kom Björgvin Hannesson í markið og varði 1 skot.

Mörk Fram: Davíð Reynisson 7, Þorgeir Davíðsson 6, Andri Ófeigsson 5, Aron Ó Heimisson 2, Aron Sindrason 2 og Arnór Þráinsson 1.
Í marki Fram stóð Daníel Guðmundsson og var öflugur, sérstaklega í seinni hálfleiknum.

Það er erfitt að henda reiður á leikjaskipulagi strákanna í 2. flokki og greinilega verið að færa leikina til. Eins og staðan er í dag þá eru næstu leikir Akureyrarstrákanna ekki fyrr en 12. og 27. nóvember, heimaleikir gegn FH og síðan gegn HK.
Hér er hægt að sjá stöðu, úrslit og leikjaplan í 1. deild annars flokks.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson