Handboltadagur á Glerártorgi á laugardaginn

Það er létt yfir handboltamönnum á Akureyri eftir góðan sigur á Stjörnunni í gærkvöldi. Leikmenn liðsins verða með létt glens og gaman á Glerártorgi á milli klukkan 14:00 og 17:00 á laugardaginn og allir velkomnir til að taka þátt í fjörinu.

Sett verður upp handboltamark og hægt að spreyta sig gegn markvörðum liðsins. Einnig geta menn sýnt hittni sína með því að skjóta á sérstakt Orku-mark sem verður á staðnum.

Leikmenn munu einnig aðstoða gesti og gangandi við að ná sér í Orkulykilinn sem veitir notandanum allt að 10 krónu afslátt af eldsneytislítranum auk fleiri fríðinda og styrkir jafnframt Akureyri Handboltafélag í leiðinni. Það er rétt að ítreka að Orkulykillinn er notandanum algjörlega að kostnaðarlausu og einmitt þvert á móti hagnast bæði notandinn og Akureyri á notkun hans.

Eitt og annað verður í boði, nokkrir styrktaraðilar Akureyri verða með í fjörinu þannig að endilega láttu sjá þig á Glerártorgi á morgun, laugardag milli klukkan 14:00 og 17:00.

Þeim sem komast ekki á Glerártorgið en vilja ná sér í Orkulykil Akureyrar eða fræðast um lykilinn er bent á að smella hér.