2. flokkur: Bikarundanúrslit gegn Val á þriðjudag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Sendum strákunum baráttukveðjur í leikinn		20. febrúar 2017 - Akureyri handboltafélag skrifar 2. flokkur: Bikarundanúrslit gegn Val á þriðjudag Það er ekki laust við að sé stór dagur hjá strákunum í 2. flokki á þriðjudaginn en þá leika þeir gegn Val í fjögurra liða úrslitum bikarkeppni annars flokks. Á leið sinni í undanúrslitin sigraði Akureyrarliðið Aftureldingu 29-28 og síðan HK í átta liða úrslitunum 28-25. Valur sat hjá í fyrstu umferð en komust í undanúrslitin með því að vinna lið KR, 15-30. Hin liðin í fjögurra liða úrslitunum eru ÍBV og Fram en þau eiga að mætast í Vestmannaeyjum sömuleiðis á þriðjudaginn. Sjálfur bikarúrslitaleikurinn verður í Laugardalshöll sunnudaginn 26. febrúar en þann dag eru leiknir bikarúrslitaleikir allra yngri flokka, karla og kvenna. Það er ekki laust við að sé búið að vera taugatitringur í kringum leik Vals og Akureyrar. Þegar dregið var í undanúrslitin kom Vals liðið á undan en í samræmi við reglugerð HSÍ um bikarkeppni sem hljómar þannig: „Það lið sem fyrst dregst fær heimaleik. Þó skal það lið sem er í lægri deild eða félög utan deilda ávallt fá heimaleik gegn liði sem er úr efri deildum.“ Eins og kunnugt er þá var Akureyrarliðið dregið úr deildarkeppninni í byrjun desember og er því utandeilda. Í samræmi við þá staðreynd og áðurnefnd reglugerðarákvæði úrskurðaði HSÍ að Akureyri fengi heimaleikinn. Valur mótmælti þeirri ákvörðun, á þeirri forsendu að Akureyrarliðið hefði verið búið að leika nokkra leiki í deildinni áður en liðið var dregið út. Mótanefnd HSÍ ákvað að fallast á beiðni Valsmanna og afhenda þeim heimaleikjaréttinn. Í rökstuðningi mótanefndar fyrir ákvörðun sinni er því miður uppfullt af rangindum. Akureyri kærði þann úrskurð og stefndi allt í að málareksturinn myndi setja framkvæmd úrslitaleiksins í hættu. Á föstudaginn ákvað Akureyri að draga þá kæru til baka eins og kemur fram í tilkynningu til HSÍ: „Þetta gerum við vegna þess að við viljum ekki að það lið sem hefur unnið sér rétt til að spila í Höllinni við sigurvegarann úr okkar viðureign og hefur ekki neina aðkomu að þessu máli missi af þessum stóra leik sem boðið er uppá í Höllinni. Eins er það ekki ásættanlegt að okkar drengir þ.e. Akureyrar og Vals missi af þessum leik útaf ágreiningi stjórnarmanna félaganna. Við teljum það handboltanum meira til vegs og virðingar að gefa frá okkur heimaleikinn og mæta suður, þó svo það sé gegn réttlætiskennd okkar, svo úrslitaleikurinn geti farið fram á réttum tíma í þeirri umgjörð sem búinn er til í kringum hann.“ HSÍ hefur nú sett leikinn á klukkan 17:40 á þriðjudaginn í Valshöllinni. Við sendum Akureyrarstrákunum baráttukveðjur í leikinn enda til mikils að vinna, úrslitaleikur bikarkeppninnar er í húfi.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson