Sigurganga Akureyrar heldur áfram


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Warning: Undefined array key -1 in /web/akhandadmin/public_html/leikjaefnishaus.php on line 26

Warning: Trying to access array offset on value of type null in /web/akhandadmin/public_html/leikjaefnishaus.php on line 26

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 43

Warning: Trying to access array offset on value of type null in /web/akhandadmin/public_html/leikjaefnishaus.php on line 43

Warning: Undefined array key -1 in /web/akhandadmin/public_html/leikjaefnishaus.php on line 44

Warning: Trying to access array offset on value of type null in /web/akhandadmin/public_html/leikjaefnishaus.php on line 44

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 46

Warning: Trying to access array offset on value of type null in /web/akhandadmin/public_html/leikjaefnishaus.php on line 46

		- ()


		klukkan:
		Dómarar:

Umfjöllun


Andri Snær var markahæstur í dag		18. október 2008 - Akureyri handboltafélag skrifar Sigurganga Akureyrar heldur áfram Lið Akureyrar Handboltafélags landaði býsna öruggum sigri í dag á Víkingum og hafa því unnið síðustu þrjá leiki sína í N1 deildinni. Það var greinilegt að leikmenn komu vel stemmdir í leikinn og skoruðu fyrstu fjögur mörk leiksins áður en Víkingar fundu leiðina í markið framhjá Hafþóri. Í stöðunni 1-5 kom hins vegar slakur kafli, Árni Sigtryggsson rekinn af velli og Víkingar gengu á lagið og jöfnuðu í 5-5 og tæpar tólf mínútur liðnar. Þá tóku okkar menn við sér aftur og náðu þriggja marka forystu sem Víkingum tókst aldrei að vinna upp en í hálfleik var staðan 13-15 Akureyri í vil. Á tuttugustu mínútu varð Hörður Fannar fyrir hnémeiðslum og varð að yfirgefa völlinn og kom ekki meira við sögu í leiknum. Á þessari stundu vitum við ekki hversu alvarleg meiðslin eru en Rúnar Sigtryggsson sagði í viðtali við sjónvarpið að Hörður ætlaði sér að vera orðinn leikhæfur í næsta leik. Bæði vörn og sókn gengu býsna vel í fyrri hálfleik, Hafþór stóð í markinu og fann sig ekki alveg nægilega vel en hann átti svo sannarlega eftir að hrökkva í gírinn í þeim síðari þar sem hann varði eins og berserkur. Jónatan skoraði fyrsta mark seinni hálfleiks og hafði Akureyri örugg tök á leiknum, munurinn varð fimm mörk 16-21 og það sem eftir lifði leiks tókst Víkingum mest að minnka forystuna í þrjú mörk en sigur Akureyringa aldrei í hættu og lauk leiknum með öruggum fimm marka sigri 23-28. Það er fyrst og fremst frábær liðsheild Akureyrar og leikgleði sem er að gera gæfumuninn, allir leikmenn leggja sitt af mörkum og það er gríðarlegur styrkur þar sem liðið snýst ekki um einn til tvo menn sem þá væri auðvelt að klippa út. Vörnin stóð fyrir sínu allan leikinn og Hafþór var frábær í seinni hálfleik. Sóknarleikurinn gekk líka býsna vel og í raun geta Víkingar þakkað markverði sínum að tapið varð ekki enn stærra en hann varði oft á tíðum frábærlega og þá ekki síst úr dauðafærum. Mörk Akureyrar: Andri Snær 8 (6 víti), Heiðar Þór, Jónatan og Oddur 4 mörk hver, Þorvaldur 3, Árni og Hörður Fannar 2 hvor og Atli Ævar 1. Hafþór varði 20 skot. Í liði Víkings var markvörðurinn, Björn yfirburðamaður með 21 skot varið en af útileikmönnum voru atkvæðamestir Sverrir Hermannsson með 6 mörk og Sveinn Þorgeirsson með 5. Næsti leikur Akureyrar er stórleikur gegn Val sem trjóna í efsta sæti deildarinnar. Sá leikur verður í Íþróttahöllinni næsta fimmtudagskvöld og óhætt að fara að hlakka til. „Við erum í raun og veru bara að hafa gaman að þessu. Það er mjög góður mórall í leikmannahópnum og við tókum aðeins eitt skref í einu. Leikgleðin er ótrúlega mikil og stemningin fyrir norðan er góð þar sem við erum komnir með góðan heimavöll. Þetta gengur vel núna og það er stefnan að halda því áfram,“ sagði Andri Snær við blaðamann Morgunblaðsins eftir leik. „Við vissum að Víkingarnir væru mjög seigir og það var erfitt að hrista þá af sér, en ég er mjög sáttur við þennan sigur í dag. Við vorum að leiða þetta með 2-3 mörkum en það þurfti lítið til að missa þetta frá sér, þess vegna var ég mjög sáttur við að klára leikinn. Ég var mjög sáttur við liðsheildina í leiknum og hefði ekki trúað því fyrir fimm vikum að við myndum klára svona leik með venjulegum leik frá okkur en við gerðum það í dag,“ sagði Rúnar Sigtryggsson eftir leikinn við fréttamann RÚV. Þar var einnig rætt við Jónatan Magnússon, fyrirliða sem sagði: „Það sem að gekk upp hjá okkur í dag var varnarleikur og markvarsla í seinni hálfleik. Við fengum mörg tækifæri til að ganga frá þeim en nýttum þau ekki, þeir voru að berjast og mikil seigla í þeim að gefast ekki upp. Við hins vegar kláruðum þetta vel í lokin.“


Tengdar fréttir
Haffi átti stórleik í markinu og Andri setti 8 mörk		8. maí 2015 - Akureyri handboltafélag skrifar Gamli leikurinn: Útisigur á Víking árið 2008 Þó tímabilinu sé lokið hjá Akureyri að þessu sinni þá heldur heimasíðan áfram að koma með nýtt efni. Að þessu sinni er efnið þó í eldra taginu en hér má sjá myndband frá góðum útisigri Akureyrar á liði Víkinga þann 18. október 2008. Bæði lið þurftu á stigunum að halda enda vildu Víkingar ekki missa af lestinni á meðan Akureyri var að berjast á toppi deildarinnar. Hér má sjá öll mörk Akureyrar, nokkrar vörslur hjá Hafþóri og nokkur mörk Víkingsmanna. Sjón er sögu ríkari, endilega kíkið á skemmtilegan leik. Akureyri byrjaði leikinn af krafti og hélt forystunni út allan leikinn og vann sannfærandi sigur á endanum, 23-28. Andri Snær Stefánsson var markahæstur í liði Akureyrar með 8 mörk (6 úr vítum), Heiðar Þór Aðalsteinsson, Oddur Gretarsson og Jónatan Þór Magnússon skoruðu allir 4 mörk. Í markinu varði Hafþór Einarsson vel og endaði með 20 skot. Þá er gaman að sjá Heimi Örn Árnason (þáverandi leikmann Vals) í hlutverki spekingsins í hálfleik og að leik loknum. Þá eru Rúnar Sigtryggsson og Jónatan Þór Magnússon gripnir í viðtal eftir sigurinn góða. Umfjöllun og tölfræði úr leiknum má sjá hér.


Andri Snær á flugi Heiðar þarf að ræða við bræður sína : )		20. október 2008 - Akureyri handboltafélag skrifar Minnsta vinstriskytta í byrjunarliði í Evrópu! Það er skemmtileg umfjöllun í Morgunblaðinu í dag um leik Víkings og Akureyrar frá því á laugardaginn. Við birtum hér hluta úr grein Kristjáns Jónssonar blaðamanns mbl. Minnsta skytta í Evrópu Akureyri gerði góða ferð til Reykjavíkur og vann 28:23 sigur á Víkingum Liði Akureyringa var ekki spáð góðu gengi í N1-deild karla í vetur en þeir hafa blásið á allar hrakspár og eru með þrjá sigra eftir fyrstu fimm leiki sína. Á laugardaginn sigruðu þeir Víkinga, 28:23, í Víkinni, en þeir eru enn án stiga eftir fjóra leiki. Línumaður Akureyringa, Hörður Fannar Sigþórsson, fékk högg á hægra hnéð eftir um tuttugu mínútna leik og kom ekki meira við sögu. Sigur Akureyringa var sanngjarn en leikgleðin er mikil hjá leikmönnum liðsins og stemningin virðist vera meiri í þeirra röðum en undanfarin ár. Hafi einhver haldið að Jónatan Þór Magnússon og Árni Þór Sigtryggsson bæru liðið á herðum sér þá er það misskilningur, þótt þeir séu vissulega lykilmenn. Akureyringar fengu gott framlag frá mörgum leikmönnum hvort sem var í vörn eða sókn. Á meðal þeirra var Andri Snær Stefánsson sem undirritaður hefur verið að bíða eftir að muni springa út sem vinstri hornamaður. Andri var markahæstur norðanmanna en leikur sem skytta um þessar mundir: "Mér finnst þetta ógeðslega gaman eftir að hafa verið öll þessi ár í horninu. Það var einhver sem sagði við mig um daginn að ég væri minnsta vinstriskytta í byrjunarliði í Evrópu," sagði Andri í samtali við Morgunblaðið, en hann er 172 cm á hæð. Fyllilega verðskuldað "Mér fannst þetta fyllilega verðskuldað. Mér fannst við hafa yfirhöndina allan tímann og við spiluðum alveg þokkalega. Ég tel þó að við eigum mikið inni ennþá. En þetta var hörkuleikur tveggja góðra liða." Heiðar Þór Aðalsteinsson var drjúgur við hlið Andra í horninu og Akureyringar eru því ekki í vandræðum með vinstra hornið, þótt Heiðar sé enn ekki orðinn jafngóður og bræður hans voru í þeirri stöðu; þeir Sigurpáll Árni og Geir. Hér lýkur tilvitnuninni í Kristján en einnig fylgir hér ljósmynd Morgunblaðsins úr leiknum þar sem Árni Sigtryggsson sendir snilldarsendingu á Atla Ævar Ingólfsson á línunni án þess að Víkingar komi vörnum við.


Það verður örugglega stuð á okkar mönnum í dag		18. október 2008 - Akureyri handboltafélag skrifar Víkingur – Akureyri í sjónvarpinu í dag kl.16:00 Í hádeginu flýgur Akureyrarliðið suður og mætir grimmum Víkingum á heimavelli þeirra, Víkinni klukkan 16:00. Eftir frækna frammistöðu í tveim síðustu deildarleikjum þurfa Akureyrarstrákarnir að sanna fyrir stuðningsmönnum sínum að þeir berjist af sama krafti og eldmóði á útivelli og komi norður með öll þau stig sem þar eru í boði. Það er nokkuð öruggt að norðlenskir stuðningsmenn verða límdir við sjónvarpið í dag en sjónvarp allra landsmanna ákvað að sýna beint frá leiknum og nú þurfa strákarnir að nýta tækifærið til að skemmta allri íslensku þjóðinni. Við vitum að Akureyrarliðin KA og Þór eiga fjölmarga stuðningsmenn sem búa á Reykjavíkursvæðinu og hvetjum þá til að fjölmenna á leikinn og styðja kröftuglega við bakið á Akureyri. Það kostar aðeins 500 krónur á leikinn í dag og frítt fyrir alla yngri en 16 ára þannig að hér er kjörið tækifæri til að taka alla fjölskylduna með og taka nú duglega á því. Þar sem leikurinn verður í beinni sjónvarpsútsendingu verðum við ekki með beina lýsingu hér á síðunni en hvetjum alla landsmenn sem ekki verða á leiknum sjálfum til að fylgjast með sjónvarpinu. Sjá fyrri frétt um leikinn.


Akureyri þarf að taka á öllu sínu gegn erfiðum Víkingum á laugardaginn		15. október 2008 - Akureyri handboltafélag skrifar Næsti leikur: Útileikur gegn Víkingum á laugardag Mótherjar okkar í næsta leik eru nýliðar Víkings sem komu upp úr 1. deild síðasta vor. Þrátt fyrir að Víkingar hafi tapað öllum leikjum sínum í deildinni til þessa þá eru þeir sýnd veiði en ekki gefin eins og margir hafa e.t.v. haldið. Þeir hafa sýnt hörkubaráttu og það hefur verið fín stemming í Víkinni það sem af er og þeir því til alls líklegir. Fyrsti leikur Víkinga var gegn Val og það var ekki fyrr en í lok leiksins sem reynsluboltarnir á Hlíðarenda tryggðu sér sigur, 29-34. Annar leikur Víkinga var gegn Fram á útivelli og þar mættu Víkingar grimmir til leiks og náðu yfirburðastöðu 1-7 í upphafi leiks með hörkugóðri vörn auk þess sem Framarar réðu ekkert við skyttur Víkinga. Fram tókst þó að ná yfirhöndinni í lok fyrri hálfleiks og sigraði að lokum 36-30. Í 3. umferð fengu Víkingar FH í heimsókn og þar fóru FH-ingar með tveggja marka sigur 27-29 eftir góðan lokasprett Víkinga. Loks skal minnt á að Stjörnumenn sigruðu Víking naumlega á lokasekúndum 27-26 í Eimskipsbikarnum. Víkingarnir eru kannski ekki með mikla breidd í sínu liði en eru hins vegar með mjög sterkt byrjunarlið og hafa í öllum sínum leikjum mætt sprækir til leiks og náð góðri stöðu í upphafi leikjanna. Þjálfari Víkinga er enginn annar en landsliðskempan Róbert Sighvatsson og hefur hann greinilega verið að vinna í því að liðið haldi leikina út enda áttu þeir góða lokakafla í tveim síðustu leikjum. Atkvæðamestir í sóknarleik Víkinga eru skyttan Sverrir Hermannsson sem hefur verðið að skora 5-8 mörk í leikjum liðsins það sem af er. Þá hefur Sveinn Þorgeirsson einnig verið öflugur í skyttustöðunni og skoraði 5 mörk gegn FH í síðasta leik. Ekki má gleyma vinstri hornamanninum Davíð Georgssyni en hann var einmitt valinn besti leikmaður 3. umferðar í þeirri stöðu. Það er því ljóst að leikmenn Akureyrar eiga erfiðan leik fyrir höndum á laugardaginn og verða að mæta til leiks af sama krafti og gegn HK í síðasta leik enda mjög brýnt að sækja fyrstu tvö stigin á útivelli í ár. Við hvetjum alla stuðningsmenn Akureyrar á Reykjavíkursvæðinu til að fjölmenna í Víkina á laugardaginn og hvetja okkar menn til dáða og sýna að þeir eru ekki eftirbátar frábærra stuðningsmanna liðsins hér á Akureyri. Leikurinn hefst klukkan 16:00 og verður sýndur beint í sjónvarpinu.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

Sigurganga Akureyrar heldur áfram

Gamli leikurinn: Útisigur á Víking árið 2008

Minnsta vinstriskytta í byrjunarliði í Evrópu!

Víkingur – Akureyri í sjónvarpinu í dag kl.16:00

Næsti leikur: Útileikur gegn Víkingum á laugardag