Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Spennandi móti lokið

6. september 2014 - Akureyri handboltafélag skrifar

Seinni degi Opna Norðlenska lokið

Fjórir leikir voru á dagskránni í dag og óhætt að segja að hafi verið mikið fjör í Íþróttahöllinni.

Hamrarnir - ÍR
Fyrsti leikur dagsins var á milli Hamranna og ÍR. Heimir Örn Árnason klæddist Hamrabúningnum í dag og sýndi að hann á ennþá ýmiss vopn í vopnabúrinu. Sömuleiðis fengu ÍR ingar lánaðan Garðar Má Jónsson frá Hömrunum og reyndist hann þeim betri en enginn.
ÍR tók leikinn í sínar hendur í upphafi og náði átta marka forskoti, 12-4 og var yfir 15-7 eftir tuttugu mínútna leik. Þá kviknaði í Hömrunum sem söxuðu á forskotið þannig að í hálfleik var forysta ÍR komin niður í fjögur mörk, 19-15.

Hamrarnir voru ekki hættir, jöfnuðu leikinn í 26-26 og komust yfir 26-27 þegar ellefu mínútur voru til leiksloka. ÍR reyndist hins vegar sterkara á lokasprettinum og vann þriggja marka sigur, 31-28.

Mörk Hamranna: Arnór Þorsteinsson og Friðrik Svavarsson 7 mörk hvor, Kristján Sigurbjörnsson 6, Heimir Örn Árnason 4, Almar 2, Róbert Sigurðsson og Valdimar Þengilsson 1 mark hvor.
Arnar og Bjarki stóðu vaktina í markinu og áttu góðan leik.

Mörk ÍR: Kristinn Björgúlfsson 9, Garðar Má Jónsson og Viktor Jóhannsson 4 mörk hvor, Aron Örn Ægisson, Brynjar Steinarsson og Ingi Rafn Róbertsson 3 mörk hver, Arnar Birkir Hálfdánsson og Brynjar Jökull Guðmundsson 2 mörk hvor og Davíð Georgsson 1 mark.
Óðinn Sigurðsson stóð í markinu og átti góðan leik, sérstaklega í fyrri hálfleiknum.

Fram – Akureyri
Annar leikur dagsins var á milli Fram og Akureyrar og var mikil spenna allan fyrri hálfleikinn, jafnt á flestum tölum og jafnt í hálfleik 11-11. Akureyri kom hinsvegar engan vegin til leiks, allavega ekki sóknarleiks, í seinni hálfleik og skoruðu aðeins tvö mörk á fyrstu tuttugu mínútunum. Þetta nýttu Framarar sér og náðu öruggri átta marka forystu.
Akureyrarliðið náði að koma til baka og minnka muninn niður í tvö mörk en Fram stóðst álagið og landaði fjögurra marka sigri, 18-22.

Mörk Akureyrar: Sigþór Árni Heimisson 4, Heiðar Þór Aðalsteinsson og Kristján Orri Jóhannsson 3 mörk hvor, Andri Snær Stefánsson, Elías Már Halldórsson og Þrándur Gíslason 2 mörk hver, Daníel Einarsson og Jón Heiðar Sigurðsson 1 mark hvor.

Mörk Fram: Ari Arnaldsson 6, Ólafur Ægir Ólafsson 4, Stefán Darri Þórsson og Stefán Baldvin Stefánsson 3 mörk hvor, Ragnar Þór Kjartansson og Sigurður Örn Þorsteinsson 2 mörk hvor, Ólafur Jóhanns Magnússon og Þorri Björnsson 1 mark hvor.

Fram – Hamrarnir
Þriðji leikur dagsins var á milli Fram og Hamranna og trúlega sá leikur sem kom hvað mest á óvart. Hamrarnir mættu baráttuglaðir til leiks en Framarar líklega talið leikinn formsatriði. Allavega náðu Hamrarnir fljótt góðri forystu sem varð mest sjö mörk og leiddu í hálfleik með sex mörkum, 10 – 16. Þar munaði ekki síst um frábæra frammistöðu Arnars í markinu en hann varði 11 skot í fyrri hálfleiknum.
Fram minnkaði muninn í upphafi seinni hálfleiks en komust lítið áleiðis. Leiknum lauk með fjögurra marka sigri Hamranna 23-27. Ekki síst þar sem Heimir Örn Árnason fór á kostum í sóknarleiknum og mataði línumennina með slíkum snilldarsendingum að hann kemur sannarlega til greina sem sóknarmaður mótsins. Þá kom Bjarki Símonarson í markið undir lokin og skellti eftirminnilega í lás.

Mörk Hamranna: Arnór Þorsteinsson og Halldór Logi Árnason 7 mörk hvor, Birkir 5, Heimir Örn Árnason og Kristján Sigurbjörnsson 3 mörk hvor, Róbert Sigurðsson 2 mörk.

Mörk Fram: Sigurður Örn Þorsteinsson 9, Ragnar Þór Kjartansson 4, Arnar Freyr Ársælsson 3, Arnar Freyr Arnarsson og Stefán Baldvin Stefánsson 2 mörk hvor, Ari Arnaldsson 1 mark.

Akureyri – ÍR
Lokaleikur mótsins var síðan á milli Akureyrar og ÍR. Ingimundur hvíldi þennan leik en að öðru leiti lögðu menn lokakraftinn í leikinn. Markverðir beggja liða fóru á kostum og leikurinn í járnum, jafnt í hálfleik 14-14.
Akureyri náði undirtökunm í seinni hálfleik en gekk erfiðlega að hrista ÍR af sér. Undir lokin náðist fimm marka forysta en eftir töluverða dramatík þar sem dauðafæri fóru forgörðum á báða bóga vann Akureyri þriggja marka sigur, 26-23.

Mörk Akureyrar: Andri Snær Stefánsson 8, Elías Már Halldórsson 4, Daníel Einarsson og Þrándur Gíslason 3 mörk hvor, Halldór Logi Árnason, Jón Heiðar Sigurðsson og Sigþór Árni Heimisson 2 mörk hver, Brynjar Hólm Grétarsson og Kristján Orri Jóhannsson 1 mark hvor.
Tómas varði 17 skot í leiknum.

Mörk ÍR: Davíð Georgsson 7, Arnar Birkir Hálfdánsson og Sturla Ásgeirsson 5 mörk hvor, Eggert Jóhannsson og Ingi Rafn Róbertsson 3 mörk hvor, Brynjar Jökull Guðmundsson og Jakob Stefánsson 1 mark hvor.
Svavar Már Ólafsson varði sömuleiðis 17 skot í ÍR markinu.

Þegar upp er staðið þá var Akureyri með 4 stig og 12 mörk í plús, Fram sömuleiðis með 4 stig en 11 mörk í plús. ÍR fékk 2 stig en er með 11 mörk í mínus, Hamraranir fengu líka 2 stig en eru með 12 mörk í mínus.

Á lokahófi í kvöld verða veitt viðurkenningar fyrir besta sóknarleikmann, varnarleikmann og markvörð mótsins.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson