Unglingaflokkur kvenna úr leik í bikarnum

Unglingaflokkur kvenna lék í dag gegn Fram um hvort liðið færi í úrslitaleikinn í bikarkeppninni. Leikið var í Framhúsinu og fóru leikar svo að Fram stúlkur fóru með tveggja marka sigur 32-30 þannig að okkar stúlkur voru grátlega nærri því að komast í stóra leikinn.

Framstelpur náðu fljótlega forystu í leiknum en Akureyrarstelpur voru allan tímann inni í leiknum án þess að ná þó að jafna leikinn. Þegar skammt var til leiksloka hafði Fram náð fimm marka forskoti en þá skoruðu okkar stelpur þrjú mörk í röð og leikurinn orðinn hörkuspennandi. Það fór þó þannig að lokum að Fram hélt þessari forystu til loka og unnu eins og áður segir 32-30.


Unnur brýst í gegnum Fram vörnina og skorar