Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Eru íþróttir á landsbyggðinni í útrýmingarhættu?

10. maí 2008 - Akureyri handboltafélag skrifar

Gríðarlegur fjárhagsvandi Akureyrar Handboltafélags

Það hefur legið í loftinu að handbolti á Akureyri hefur mörg undanfarin ár glímt við erfiða fjárhagsstöðu og það hefur Akureyri Handboltafélag svo sannarlega fengið að reyna á sínum tveggja ára líftíma.

Hér á eftir fer frétt af RUV.is frá 9. maí þar sem fjallað er um fjárhagsvandann.

Unnið er að því að leysa fjárhagsvanda Akureyri handboltafélag, rekstrartapið er áfall segja forsvarsmenn íþróttafélaganna KA og Þórs. Heimildir fréttastofu herma að rekstarartapið sé 18 milljónir króna á síðustu tveimur árum. Bæjarstjórinn á Akureyri segir miður að rekstrarvandi handboltans sé jafn mikill og raun ber vitni.

Samkvæmt heimildum er rekstrartap handknattleiksliðs Akureyrar síðustu tvö árin 18 milljónir króna, en veltan um 24 milljónir á ári. Fréttastofa ræddi við forsvarsmenn íþróttafélaganna og deildarinnar í dag og er ljóst að málið er á viðkvæmu stig. Fundað var um stöðuna og framhaldið í hádeginu í dag.

Fyrir tveimur árum var tekin sú ákvörðun að sameina meistaraflokka Þórs og KA í handbolta og gengur liðið undir nafninu Akureyri. En þar áður hafði bæði árangur og rekstur handknattleiksliðana tveggja ekki staðið undir væntingum. Fjárhagsstaða deildarinnar, er að sögnum forsvarsmanna deildarinnar nú mjög erfið. Talið er að Þar vegi þyngst kostnaður vegna ferða, launa og húsnæðis. Forsvarsmenn félaganna eru sammála um það að þeir vilji vera samstíga í því að leysa vanda handboltans á Akureyri, frekar en að leggja meistaraflokkana niður. Nauðsynlegt sé hins vegar að aðgerðirnar væru rótttækar, til að koma í veg fyrir áframhaldandi vanda. Til stendur að halda opinn fund um framtíð handboltans á Akureyri í næstu viku.

Sigrún Björk Jakobsdóttir, bæjarstjórinn á Akureyri sagði í samtali við fréttastofu í dag að hún hefði átt góðan fund með formönnum KA og Þórs í gærmorgun og að hún væri vel upplýst um stöðu mála. Aðgerðaráætlun hefði verið lögð fyrir hana og hún óski forsvarsmönnum félaganna alls hins besta í að leysa úr vandanum. Ekki hafi verið farið fram á að bæjarfélagið komi að málum að svo stöddu. Sigrún segir það hinsvegar miður að þessi niðurstaða hafi orðið og nauðsynlegt sé að leita allra leiða til að vinna úr vandanum.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson