Auður Ómarsdóttir fer til Fylkis

Leikstjórnandinn snjalli, Auður Ómarsdóttir, í kvennaliði Akureyrar Handboltafélags hefur skrifað undir samning við lið Fylkis. Það er ljóst að stórt skarð hefur verið höggvið í kvennalið Akureyrar við þessi tíðindi en Auður hefur skipað ansi stórt hlutverk í kvennaboltanum í bænum í þó nokkur ár þrátt fyrir ungan aldur.

Auður sem er 20 ára gömul hefur leikið með unglingalandsliðum Íslands ásamt því að hafa leikið í meistaraflokki KA/Þórs og Akureyrar Handboltafélags undanfarin ár.

Ljóst er að stórleikur Auðar gegn Fylki í vetur hefur kveikt áhuga Fylkis á henni en Auður gerði 10 mörk í 32-29 tapleik Akureyrar.

Heimasíðan óskar Auði velfarnaðar með Fylkisliðinu og þakkar henni fyrir sinn tíma í handboltanum fyrir norðan.


Auður segist munu sakna KA-Heimilisins sem og liðsfélaga sinna