Morgunblaðið í dag: - Viðtal við Jónatan Magnússon


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Leikgleðin skiptir miklu máli og hún hefur svo sannarlega verið fyrir hendi		11. nóvember 2008 - Akureyri handboltafélag skrifar Morgunblaðið í dag: - Viðtal við Jónatan Magnússon Við höldum áfram að birta hluta úr Morgunblaðinu í dag, hér ræðir Ívar Benediktsson um stemminguna innan og utan Akureyrarliðsins við fyrirliðann, Jónatan Magnússon. Höfum fengið fólk með okkur Leikgleðin og samstaðan skína úr andlitum leikmanna Akureyrarliðsins „Það er mikil gleði og stemning innan okkar hóps og það hefur lagt ákveðinn grunn hjá okkur,“ segir Jónatan Þór Magnússon, leikmaður Akureyrar „Þótt við misstum marga menn frá síðustu leiktíð þá erum við með hörkulið. Auðvitað þarf allt að ganga upp hjá okkur innan vallar og stemningin að vera rétt. Fram til þessa hafa þessi atriði verið í lagi hjá okkur,“ segir Jónatan en greinilegt er að mikil leikgleði og einhugur ríkir innan Akureyrarliðsins um þessar mundir. Jónatan segir ennfremur að stór hópur manna hafi lagt á sig mikla vinnu við að „rífa“ liðið upp í haust eftir að útlitið var orðið mjög dökkt í byrjun september um að Akureyri myndi senda boðlegt keppnislið til leiks í N1-deild karla. „Ef menn bara vissu hversu slæm staðan var orðin. Það er kannski best að hafa sem fæst orð um hversu slæm hún var. En það tókst að búa til lið og um leið höfum við fengið fólk á bak við okkur fyrir norðan sem sýnir sig best í að við höfum verið með fullt hús á öllum heimaleikjum til þessa. Það skiptir miklu máli að finna fyrir þessum mikla stuðningi. Okkur hefur gengið vel í deildinni og fólk hefur hrifist með,“ segir Jónatan og bætir við að það hafi einnig mikið að segja upp á stemningu að stórir hópar brottfluttra Akureyringa mæti orðið á alla leiki liðsins á höfuðborgarsvæðinu. Þeir styðja einnig vel við bakið á liðinu og setja svip á leikina fyrir vikið. „Það er kannski best að segja sem fæst, “ svarar Jónatan þegar hann spurður um hvort árangur Akureyrar til þessa í deildinni hafi komið leikmönnum sjálfum á óvart. „Strákarnir í liðinu vita alveg hvað þeir geta. Við erum með blöndu af yngri og eldri leikmönnum sem einhvern tímann hafa verið góðir í handbolta. Þegar þetta safnast saman í einum hóp þá getur ýmislegt gerst,“ segir Jónatan Þór Magnússon. „Erum núna komnir í gott form“ „Við byrjuðum seint að æfa vegna þeirrar óvissu sem ríkti í kringum liðið. Þess vegna höfum við kannski ekki verið í eins góðri æfingu og mörg önnur lið. Við höfum bætt það sem vantaði upp á leikformið með mikilli leikgleði og stemningu,“ segir Jónatan Þór Magnússon, leikmaður Akureyrar, spurður um hvort Akureyrarliðið æfi nú eins mikið og það hafi gert síðustu ár. „Eftir að við fórum í gang af fullum krafti þá höfum við æft mjög vel. Nú er þriðjungur mótsins liðinn og við erum komnir í gott form. Leikgleðin skiptir einnig miklu máli og hún hefur svo sannarlega verið fyrir hendi hjá okkur í vetur,“ segir Jónatan Þór. Gaman hefur verið að fylgjast með leikmönnum Akureyrar á keppnistímabilinu. Þeir fagna með miklum gleðihrópum þegar þeir eru kynntir til sögunnar í upphafi leikja af vallarþulum. Þá eru þeir sem sitja á varamannabekknum í hvert sinn ósparir á að hvetja áfram félaga sína sem standa í eldlínunni á leikvellinum hverju sinni. Sannarlega öðrum liðum í deildinni mikil hvatning. Eftir Ívar Benediktsson iben@mbl.is
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson