Guðmundur, Geir og Ásgeir spila í Finnlandi þessa dagana
| | 23. júlí 2009 - Akureyri handboltafélag skrifarErfitt hjá 17 ára landsliðinu á Ólympíuleikum æskunnarÍslenska U-17 ára landslið Íslands tekur nú þátt í Ólympíuleikum æskunnar sem fram fer í Tampara í Finnlandi. Þrír strákar frá Akureyri eru í hópnum, Guðmundur Hólmar Helgason, Geir Guðmundsson og Ásgeir Jóhann Kristinsson. Strákarnir eru allir þrátt fyrir ungan aldur í æfingahópi Akureyrar Handboltafélags og gríðarlega efnilegir. Íslenska liðið var í riðli með Noregi, Króatíu og Finnlandi.
Fyrsti leikurinn var gegn Normönnum og tapaðist 30-23 eftir að staðan í hálfleik var 13-12 fyrir Noreg. Íslenska liðið náði forystu 19-18 en þá hrundi leikur liðsins og Noregur náði öruggri forystu 25-19 og skoraði íslenska liðið ekki í 13 mínútur.
Mörk Íslands skoruðu: Ísak Rafnsson 5 mörk, Viggó Kristjánsson 4(4), Arnar Daði Arnarsson 3, Magnús Magnússon 2, Pétur Júníusson 2, Leó Snær Pétursson 2, Geir Guðmundsson 2, Arnar Birkir Hálfdánarson 1, Guðmundur Hólmar Helgason 1 og Ásgeir Jóhann Kristinsson 1.
Annar leikurinn var gegn Króatíu og tapaðist hann sömuleiðis stórt, 32-25 eftir að Ísland hafði leitt í hálfleik 16-12. En þegar um 6 mínútur voru liðnar af seinni hálfleik var staðan 19-19. Þá hrundi leikur liðsins og Króatía gekk á lagið og landaði öruggum sigri.
Mörk Íslands: Ísak Rafnsson 7, Viggó Kristjánsson 7(3), Geir Guðmundsson 6, Pétur Júníusson 2, Guðmundur Helgason 2(1) og Arnar Daði Arnarsson 1.
Síðasti leikur liðsins í riðlakeppninni var í gær gegn Finnum. Finnar höfðu frumkvæði lengst af í leiknum en jafnt var í hálfleik 18-18. Finnar náðu undirtökum í seinni hálfleik og leiddu 26-23 en íslenska liðið sýndi gríðarlegan karakter á lokamínútunum og náði að landa sigri.
Mörk Íslands skoruðu: Guðmundur Hólmar Helgason með 9 mörk, Ísak Rafnsson 7, Geir Guðmundsson 4, Jón Oddsson 3, Viggó Kristjánsson 3(1), Magnús Magnússon 2, Arnar Birkir Hálfdánarson 2, Þráinn Jónsson 1 og Pétur Júníusson 1.
Íslenska liðið hafnaði því í 3. sæti riðilsins og lék gegn Þjóðverjum í dag sem urðu í 3. sæti B riðilsins. Guðmundur og Geir hafa leikið alla þrjá leikina og skorað tólf mörk hvor. Ásgeir lék hins vegar aðeins fyrsta leikinn.
Í dag lék Íslenska liðið gegn Þýskalandi og tapaði þeim leik stórt, 35-23 eftir að hafa verið undir 16-10 í hálfleik.
Mörk Íslands skoruðu: Ísak Rafnsson 4, Arnar Birkir Hálfdánarson 4(2), Geir Guðmundsson 3, Leó Snær Pétursson 3, Viggó Kristjánsson 3(1), Magnús Orri Magnússon 3, Jón Bjarki Oddsson 2 og Arnar Daði Arnarsson 1.
Á morgun leikur liðið loks um 7. sætið og mætir þá Finnlandi að nýju. |
Úrvalsdeild karla
Senda skilaboð
Vefur KA
Vefur Þór
Fréttaleit
Þú flettir milli frétta með örvalyklunum eða smellir á bláu örvarnar!