Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Árni er óðum að komast í sitt gamla form.
Valdimar og Guðmundur Hermannsson





5. september 2009 - Akureyri handboltafélag skrifar

Fín frammistaða í æfingaleikjum helgarinnar

Meistaraflokkur Akureyrar Handboltafélags og FH léku tvo æfingaleiki í Íþróttahöllinni nú um helgina. Þetta voru kærkomnir leikir fyrir liðin á undirbúningstímabilinu og að sjálfsögðu mikilvægt að fá tækifæri til að spila alvöruleiki. Eins og eðlilegt er í slíkum leikjum fá ýmsir leikmenn að spreyta sig og þjálfarar að prófa ýmsa hluti.

Fyrri leikurinn var á föstudagskvöldið og var ánægjulegt að sjá hve margir áhorfendum komu til að fylgjast með og var býsna þétt setið í stúkunni.

Eins og við var að búast var nokkur byrjunarbragur á leik liðanna en leikmenn Akureyrar virkuðu mun sprækari og náðu strax frá byrjun góðum tökum á leiknum. Í hálfleik var staðan 12-9 fyrir Akureyri. Í seinni hálfeik jókst munurinn jafnt og þétt og varð mestur sjö mörk, 26-19 en á lokamínútunum löguðu FH-ingar aðeins stöðuna og lauk leiknum með fjögurra marka sigri Akureyrar 27-23.

Hafþór Einarsson stóð í markinu í fyrri hálfleik en Hörður Flóki stóð vaktina í seinni hálfleik og áttu báðir prýðisleik.

Mörk Akureyrar skoruðu: Árni Sigtryggsson og Jónatan Magnússon 5, Andri Snær Stefánsson og Heimir Örn Árnason 4, Guðlaugur Arnarson og Hörður Fannar Sigþórsson 3, Heiðar Þór Aðalsteinsson 2 og Guðmundur Hólmar Helgason 1.

Laugardagur
Liðin mættust aftur klukkan 11:30 á laugardaginn. FH-ingar virkuðu heldur sprækari á upphafsmínútunum en Akureyri jafnaði í 4-4 og var jafnt á flestum tölum næstu mínútur. FH náði tveggja marka forystu 10-12 en þá þótti Hafþóri nóg komið og skellti gjörsamlega í lás með stórbrotinni markvörslu og í kjölfarið skoraði Akureyri næstu fjögur mörk og leiddi í hálfleik 19-16.

Í seinni hálfleik réðu Akureyringar algjörlega ferðinni og varð munurinn mestur ellefu mörk, 34-23 en leiknum lauk með öruggum sjö marka sigri Akureyrar 37-30.

Hafþór átti eins og áður segir frábæran leik í markinu en Siguróli Sigurðsson stóð vaktina síðasta korterið og átti magnaða innkomu.

Mörk Akureyrar skoruðu: Árni Sigtryggsson og Heiðar Þór Aðalsteinsson 6, Heimir Örn Árnason, Guðlaugur Arnarson og Valdimar Þengilsson 4, Bjarni Jónasson, Guðmundur Hólmar Helgason og Jónatan Magnússon 3, Andri Snær Stefánsson, Geir Guðmundsson, Hörður Fannar Sigþórsson og Hreinn Hauksson 1 mark hver.

Það er ekki hægt að segja annað en að hópur Akureyrar líti vel út á þessum tímapunkti, liðið lék oft á tíðum glimrandi fínan bolta og ungu strákarnir Guðmundur Hólmar, Bjarni, Geir sýndu að það má mikils vænta af þeim í vetur. Þá var gaman að sjá að Valdimar Þengilsson sem tók sér hvíld í fyrravetur er mættur til leiks af fullum krafti og virkar feikiöflugur. Þá lék Guðmundur Hermannsson með liðinu en síðastliðin tvö ár hefur hann verið í herbúðum Fram. Oddur Gretarsson var fjarri góðu gamni þessa helgina og ekki amalegt að eiga hann inni.

Í liði FH var línumaðurinn Jón Heiðar Gunnarsson erfiður viðureignar, skoraði 7 mörk í fyrri leiknum og 5 í þeim seinni. En margir ungir og efnilegir strákar eru í liðinu t.d. okkar fyrrum félagi Ásbjörn Friðriksson sem skoraði einmitt 5 mörk í leiknum í dag.

Þessir leikir helgarinnar eru fín vísbending um að við eigum skemmtilegan handboltavetur í vændum. Næstu æfingaleikir liðsins verða um næstu helgi þegar liðið heldur á Selfoss og tekur þar þátt í Ragnarsmótinu. Ákveðið hefur verið að taka ekki þátt í Reykjavíkurmótinu heldur fara á geysiöflugt mót í Hafnarfirði þess í stað en þar verða auk Akureyrar Valur, Haukar og FH.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson