Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bjarni Fritzson besti leikmaðurinn og Atli Hilmarsson þjálfari umferða 8 - 14



15. febrúar 2012 - Akureyri handboltafélag skrifar

Umferðir 8 – 14: Bjarni og Atli bestir og umgjörðin á Akureyri

Í hádeginu í dag var tilkynnt um val HSÍ á bestu leikmönnum og þátttakendum í umferðum 8-14 í N1 deild karla. Akureyringinn Bjarni Fritzson var ekki bara valinn besti hægri hornamaðurinn heldur einnig besti leikmaður þessa hluta N1-deildarinnar. Bjarni hefur spilað frábærlega í undanförnum leikjum og vel að nafnbótinni kominn.


Bjarni með viðurkenningarnar. Mynd: Eyjólfur Garðarsson sport.is

Lið Akureyrar náði bestum árangri allra liða í þessum umferðum og það er því ekki að undra að Atli Hilmarsson er útnefndur besti þjálfarinn.

Akureyri fékk líkt og eftir fyrsta hluta tímabilsins einnig viðurkenningu fyrir bestu umgjörðina sem er frábær viðurkenning til allra þeirra fjölmörgu sem vinna í baklandinu hjá félaginu svo og allra stuðningsmannanna sem setja magnaðan svip á heimaleiki liðsins.

Líkt og oftast þá dreifast útnefningarnar töluvert á milli liðanna en hér á eftir fer listi yfir viðurkenningarnar:

Markvörður: Daníel Andrésson, FH
Línumaður: Atli Ævar Ingólfsson, HK
Vinstri hornamaður: Freyr Brynjarsson, Haukum
Hægri hornamaður: Bjarni Fritzson, Akureyri Handboltafélag
Vinstri skytta: Anton Rúnarsson, Val
Hægri skytta: Örn Ingi Bjarkason, FH
Miðjumaður: Ólafur Bjarki Ragnarsson, HK

Besti leikmaðurinn: Bjarni Fritzson, Akureyri Handboltafélag
Besti varnarmaðurinn: Vilhelm Gauti Bergsveinsson, HK

Besti þjálfarinn: Atli Hilmarsson, Akureyri Handboltafélag

Bestu dómarar: Anton Pálsson og Hlynur Leifsson

Besta umgjörðin: Akureyri Handboltafélag


Allur hópurinn samankominn. Mynd: Eyjólfur Garðarsson sport.is

Við óskum öllum ofangreindum til hamingju með árangurinn og ekki síst frábærum stuðningsmönnum Akureyrar Handboltafélags sem eiga ekki lítinn þátt í að skapa frábæra umgjörð um leikina.

Blaðamaður Mbl.is ræddi við Atla Hilmarsson við þetta tækifæri: „Við erum mjög ánægðir með þessa aðra umferð, hvernig hún spilaðist fyrir okkur. Við byrjuðum náttúrlega svakalega illa en núna hefur þetta snúist við. Við erum á góðu róli.


Atli með viðurkenninguna. Mynd: Eyjólfur Garðarsson sport.is

Ég vil líka þakka okkar stuðningsmönnum fyrir. Þeir gáfu okkur aldrei upp á bátinn þó illa gengi og hjálpuðu okkur í gegnum ýmislegt.“

Hér er hægt að sjá allt viðtalið við Atla Hilmarsson.



Þröstur Ernir Viðarsson blaðamaður Vikudags og sport.is ræddi við Bjarna Fritzson og fer viðtalið hér á eftir:

Bjarni: Gaman að takast á við aukna ábyrgð

„Þetta er ánægjulegt enda margir góðir leikmenn í deildinni sem hefðu getið orðið fyrir valinu. Ég er mjög sáttur með mína frammistöðu. Mitt markmið er að vera stöðugur í mínum leik þannig að liðið geti gengið að því vísu að ég skili mínu inn á vellinum. Mér finnst það vera að takast. Þar sem mikil meiðsli hafa herjað á okkur hefur kannski meiri ábyrgð verið á mér en áður og það er bara gaman að takast á við það,“ segir Bjarni. Hann hefur sjálfur glímt við meiðsli í vetur en lætur það ekki aftra sér, enda hugsar hann vel um sig, eins og hann segir sjálfur.

Akureyri er sem stendur í fimmta sæti deildarinnar með 16 stig, stigi á eftir Fram sem situr í fjórða sætinu og jafnframt síðasta sætinu inn í úrslitakeppnina í vor.

„Við getum ekki verið annað en bjartsýnir á framhaldið. Menn eru að koma til baka úr meiðslum og maður sér það á æfingum hvaða liðið er alltaf að nálgast sitt allra besta form. Andinn í liðinu er mjög góður og við höfum svakalega sterka liðsheild,“ segir Bjarni og reiknar með erfiðri lokabaráttu.

„Deildin hefur sennilega aldrei verið jafn spennandi og þetta verður svakalegt. Við ætlum að nýta hléið vegna bikarins til þess að slípa okkur enn betur saman og verðum öflugir á lokasprettinum,“ segir hann.


Stemmingin alltaf mögnuð í stúkunni

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson