8 liða úrslit Símabikarsins á miðvikudaginn


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Leikir Akureyrar og FH eru ávísun á spennu og skemmtun		11. febrúar 2013 - Akureyri handboltafélag skrifar 8 liða úrslit Símabikarsins á miðvikudaginn Það er leikið þétt í handboltanum þessa dagana. Á miðvikudaginn verður einn stærsti leikur tímabilsins þegar Akureyri tekur á móti sjóðheitum FH-ingum í átta liða úrslitum Símabikarsins. Þessi lið hafa mæst í bikarkeppninni undanfarin fimm ár og hafa leikirnir ávallt verið gríðarlegir baráttuleikir. Akureyrarliðið sýndi frábæra spretti í tveim síðustu leikjum, gegn Val og Haukum og vantaði aðeins herslumuninn til að klára þá báða. Með góðum stuðningi áhorfenda ætla strákarnir tvímælalaust að selja sig dýrt á miðvikudaginn. FH liðið hefur verið á miklu skriði í síðustu leikjum og munar þar mikið um endurkomu Ásbjörns Friðrikssonar í raðir FH eftir að hafa leikið í Svíþjóð undanfarið eitt og hálft ár. Ási er klárlega einn mikilvægasti maður FH liðsins eins og sást best í sjónvarpsleiknum á laugardaginn þegar FH skellti Haukum býsna örugglega. Ási í sigurleik FH gegn Haukum á laugardaginn. Mynd Heiða/sport.is Ási er þó alls ekki eini snillingurinn í FH liðinu, þegar liðin mættust hér á Akureyri í fyrstu umferð N1 deildarinnar var það skyttan Ragnar Jóhannsson sem var allt í öllu og skoraði 13 mörk. Ragnar er markahæstur FH inga í N1 deildinni en einnig er hornamaðurinn Einar Rafn Eiðsson drjúgur markaskorari. Einn mikilvægasti leikmaður FH liðsins er þó markvörðurinn Daníel Freyr Andrésson, sem er klárlega einn sá öflugasti í deildinni og hefur verið viðloðandi íslenska landsliðið í vetur. Það er rétt að benda handhöfum stuðningsmannaskírteina Akureyrar á að þau gilda ekki sem aðgöngumiði á bikarleiki en að sjálfsögðu ganga þeir sem hafa fest sér sæti að þeim vísum. Auk þess sem veitingar verða í stuðningsmannaherberginu að vanda.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson