Akureyri og FH mætast alltaf í Bikarnum - 1. hluti


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Akureyri og FH eru að fara að mætast fimmta árið í röð í Bikarkeppninni		11. febrúar 2013 - Akureyri handboltafélag skrifar Akureyri og FH mætast alltaf í Bikarnum - 1. hluti Nú á miðvikudaginn mætast Akureyri og FH í 8-liða úrslitum Símabikarsins, það má vægast sagt segja að þetta sé einn af allra stærstu leikjum tímabilsins hjá liðunum en það er áhugavert að skoða það að þessi lið hafa mæst í Bikarkeppninni síðustu 4 árin og í fimmta skiptið í röð nú á miðvikudaginn. Sem smá upphitun ætlum við hér að rifja upp viðureignir þessara stórliða í Bikarkeppninni og leið þeirra í keppninni undanfarin ár. Það er áhugavert að fylgjast með því að á síðustu fjórum árum þá hefur hvorugt liðið náð að vinna Bikarmeistaratitilinn en andstæðingurinn sem slær sigurvegarann í viðureign þeirra út hefur hinsvegar ávallt endað með Bikarinn í höndunum. Það er af svo miklu að taka að þessi pistill verður í tveimur pörtum, sá síðari kemur inn á morgun þriðjudag. Tímabilið 2011-2012: Akureyri og FH kepptu til úrslita um Íslandsmeistaratitilinn tímabilið áður og því fóru bæði lið sjálfkrafa áfram í 16-liða úrslit Bikarkeppninnar 2011-2012. Það ætti ekki að koma á óvart að þegar þau komu í pottinn drógust þau saman, FH fékk heimaleik gegn Akureyri í 16-liða úrslitum. Því miður er lítið hægt að segja um þennan leik annað en að FH var mikið mun betri og vann mjög sannfærandi 34-21 sigur í Kaplakrika eftir að hafa verið 16-9 yfir í hálfleik. Umfjöllun um leikinn má finna hér: FH - Akureyri, 16-liða úrslit FH vann svo Gróttu örugglega 18-28 í 8-liða úrslitum, en á endanum þurftu FH-ingar að játa sig sigraða gegn Haukum í undanúrslitum 22-14 eftir að staðan hafði verið jöfn 10-10 í hálfleik. Haukar lönduðu svo Bikarmeistaratitlinum með því að leggja Fram örugglega 23-31. Alls mættust Akureyri og FH 8 sinnum þetta tímabilið, 3 í deild, 1 í bikar og 4 í úrslitakeppninni. Akureyri vann 2 leiki, liðin gerðu 1 jafntefli og FH vann 5 leiki. Tímabilið 2010-2011: Í þetta skiptið þurftu liðin að bíða töluvert eftir því að fá að mæta hvort öðru, en það var ekki fyrr en í undanúrslitum sem liðin mættust. Akureyri vann sterkan útisigur á HK í Digranesinu í 32-liða úrslitum 28-29 eftir að hafa verið undir 14-12 í hálfleik. Á sama tíma mættu FH-ingar norður og unnu stórsigur á Völsung á Húsavík 23-46. Umfjöllun um leikinn má finna hér: HK - Akureyri, 32-liða úrslit Í 16-liða úrslitum fékk Akureyri heimaleik gegn Aftureldingu sem var í mikilli botnbaráttu. Eftir nokkuð jafnan fyrri hálfleik þar sem staðan var 13-9 fyrir Akureyri tókst okkar mönnum að keyra yfir Aftureldingu í síðari hálfleik og vinna að lokum sigur 30-20. FH hinsvegar mætti á Nesið og vann þar Gróttu 23-30 eftir að staðan hafði verið jöfn 13-13 í hálfleik. Umfjöllun um leikinn má finna hér: Akureyri - Afturelding, 16-liða úrslit Akureyri mætti í Víkina í 8-liða úrslitum og mætti þar 1. deildarliði Víkings, Akureyri lenti ekki í miklu basli og vann að lokum sextán marka sigur 18-34 eftir að hafa leitt 11-16 í hálfleik. FH mætti líka 1. deildarliði en það voru ÍR-ingar og leikið var í Austurbergi. ÍR leiddi 13-12 í hálfleik en eftir hörkuleik tókst FH að sigra 23-24. Umfjöllun um leikinn má finna hér: Víkingur - Akureyri, 8-liða úrslit Þá kom að því að liðin mættust þegar komið var í undanúrslitin, Akureyri fékk heimaleikinn og Akureyrarliðið var komið í annað skiptið í undanúrslit í sögunni. Akureyri reyndist sterkari aðilinn í leiknum fyrir framan pakkaða Höll, eftir að hafa leitt 13-9 í hálfleik sigraði Akureyri 23-20 og tryggði sér sæti í úrslitaleiknum. Umfjöllun um leikinn má finna hér: Akureyri - FH, Undanúrslit Í úrslitaleiknum biðu Valsmenn sem höfðu verið í vandræðum í deildinni, það hinsvegar telur ekkert í svona leik og eftir hörku fyrri hálfleik var staðan 13-14 fyrir Val. Í síðari hálfleik hélt spennan áfram en Valsmenn þó með yfirhöndina. Á lokamínútunni í stöðunni 24-25 fékk Akureyri algjört dauðafæri þegar Hörður Fannar fékk boltann á línunni en Hlynur í marki Vals varði og Valsmenn tryggðu sér að lokum sigur 24-26. Umfjöllun um leikinn má finna hér: Akureyri - Valur, Úrslitaleikur Akureyri varð Deildarmeistari þetta tímabilið en tapaði fyrir FH í baráttu um Íslandsmeistaratitilinn. Alls mættust liðin 9 sinnum þetta tímabilið, 3 í deild, 1 í bikarnum, 1 í deildarbikarnum og 4 í úrslitakeppninni. Akureyri vann 3 leiki en FH vann hinsvegar 6 leiki.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson