Handknattleiksmaðurinn Alfreð Gíslason heiðraður


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Alfreð Gíslason í Hofi í gær		12. júlí 2013 - Akureyri handboltafélag skrifar Handknattleiksmaðurinn Alfreð Gíslason heiðraður Íþróttaráð Akureyrar ásamt afreks- og styrktarsjóði Akureyrar hélt Alfreð Gíslasyni hóf í menningarhúsinu Hofi í gær þar sem Alfreð fékk afhenta heiðursviðurkenningu fyrir störf sín. Þar að auki var Alfreð gerður að heiðursfélaga KA auk þess sem hann fékk afhent gullmerki HSÍ. Það er engum blöðum um það að fletta að Alfreð Gíslason er einhver mesti afreksmaður Akureyrar á handknattleikssviðinu jafnt sem leikmaður og þjálfari. Í dag er Alfreð þjálfari Þýskalandsmeistara Kiel og ljóst að afrekaskrá hans er hvergi nærri fullskrifuð. Í hófinu stiklaði Haraldur Ingólfsson á stóru varðandi feril Alfreðs og einstaka afrekaskrá eins og hér má sjá: Alfreð fæddist á Akureyri árið 1959 og ólst þar upp. Hann á ríkan þátt í þeim mikla uppgangi sem varð hjá KA og undir hans stjórn varð KA m.a. bikarmeistari í tvígang, Íslandsmeistari og deildarmeistari. Frá árinu 1997 hefur Alfreð þjálfað í Þýskalandi þar sem hann gerði m.a. Magdeburg og Kiel að Þýskalands- og Evrópumeisturum. Auk þess sem honum hefur hlotnast fjöldi einstaklingsverðlauna sem bæði þjálfari og leikmaður. Alfreð þjálfar lið Kiel í dag og þykir einn sá færasti í sínu fagi. Á handboltaferlinum lék Alfreð Gíslason á Íslandi, Spáni og í Þýskalandi. Hann á að baki 190 A-landsleiki og skoraði í þeim 542 mörk, tók þátt í mörgum stórmótum með landsliðinu, meðal annars Ólympíuleikunum í Los Angeles 1984 og Seúl 1988. Hann var valinn besti leikmaður B-keppni Heimsmeistaramótsins 1989, sem Íslendingar unnu. Á ferlinum hefur hann starfað sem þjálfari hjá félagsliðum á Íslandi og í Þýskalandi og unnið fjölmarga titla og hreinlega ótrúleg afrek sem seint eða aldrei verða leikin eftir. Þá þjálfaði Alfreð íslenska landsliðið um tveggja ára skeið. Fram til 1980 var hann leikmaður KA. 1980 fór hann suður og spilaði með KR til 1983. Þaðan fór hann til Þýskalands og spilaði með Tusem Essen 1983-1988 1986: Þýskalandsmeistari með Tusem Essen 1987: Þýskalandsmeistari með Tusem Essen 1988: Bikarmeistari í Þýskalandi með Tusem Essen 1988-1989 hélt hann aftur í Vesturbæinn og spilaði með KR. 1989: Sigur í B-keppni Heimsmeistaramótsins með íslenska landsliðinu, einn af lykilmönnum liðsins. 1989: Íþróttamaður ársins á Íslandi, fyrstur Norðlendinga. 1989-1991 Bidasoa Irun á Spáni 1991: Bikarmeistari á Spáni með Bidasoa Irun Alli spilaði tvo leiki með heimsúrvalinu. Afrekalisti þjálfarans Alfreðs Gíslasonar er sömuleiðis stórkostlegur. 1991-1997: Þjálfari KA 1995: Bikarmeistari með KA 1996: Bikarmeistari með KA 1997: Íslandsmeistari með KA 1997-1999: Þjálfari SG Hameln í Þýskalandi 1999-2006: Þjálfari SC Magdeburg í Þýskalandi 2001: Með SC Magdeburg varð hann Þýskalandsmeistari, meistari meistaranna í Þýskalandi (Super Cup), vann EHF-bikarinn og EHF Champions Trophy, þ.e. meistari meistaranna í Evrópu. Valinn þjálfari ársins í Þýskalandi. 2002: Vann Meistaradeild Evrópu og Champions Trophy með SC Magdeburg. 2006-2008: Landsliðsþjálfari Íslands 2006-2008: Þjálfari VfL Gummersbach í Þýskalandi Frá 2008: Þjálfari THW Kiel í Þýskalandi 2008: Vann Super Cup í þýskalandi með THW Kiel. 2009: Með THW Kiel varð hann Þýskalandsmeistari, Bikarmeistari. Hann var valinn þjálfari ársins í Þýskalandi 2009 og valinn þjálfari Bundesligunnar tímabilið 2008-2009. 2010: Með THW Kiel varð hann Þýskalandsmeistari og vann Meistaradeild Evrópu. 2011: Með THW KIel vann hann Super Globe keppnina í Katar, keppni sterkustu félagsliða heims, varð Bikarmeistari, vann Super Cup og var valinn þjálfari ársins í Þýskalandi. 2012: Með THW Kiel varð hann Þýskalandsmeistari með fullu húsi stiga, Bikarmeistari og vann Super Cup í Þýskalandi, vann Meistaradeild Evrópu, var valinn þjálfari ársins í Þýskalandi 2012 og þjálfari Bundesligunnar tímabilið 2011-2012. 2013: Með THW Kiel varð hann Þýskalandsmeistari og Bikarmeistari. Eins og sjá má þá má gera ráð fyrir að þessi frábæri listi eigi bara eftir að lengjast. Tryggvi Þór Gunnarsson, formaður Íþróttaráðs afhenti Alfreð viðurkenningu Afrekssjóðs Akureyrar og Íþróttaráðs Hrefna Torfadóttir formaður KA afhenti honum viðurkenningarskjal sem heiðursfélaga KA Einar Þorvarðarson framkvæmdastjóri HSÍ afhenti Alfreð gullmerki HSÍ Kara og Alfreð fengu góða aðstoð með viðurkenningarnar Akureyri Handboltafélag óskar Alfreð Gíslasyni til hamingu með viðurkenningarnar og færir bestu þakkir fyrir framlag hans til handknattleiksíþróttarinnar. Meðfylgjandi myndir tók Þórir Tryggvason.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson