Þrándur Gíslason fer ekki í leikbann


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Réttlætið sigraði að lokum		20. febrúar 2014 - Akureyri handboltafélag skrifar Þrándur Gíslason fer ekki í leikbann Eins og menn muna þá sýndu dómarar leiks ÍBV og Akureyrar Þrándi Gíslasyni beint rautt spjald þegar um það bil fimm mínútur voru eftir af leiknum. Þeir mátu það svo að Þrándur hefði farið í andlitið á Róbert Aron Hostert. Þess vegna áttu menn von á því að Þrándur fengi leikbann og myndi ekki taka þátt í næsta leik Akureyrar. Atvikið sást vel í íþróttafréttatíma RÚV á sunnudagskvöldið og þar fór ekki á milli mála að um rangan dóm var að ræða, Þrándur kom ekki nálægt andlitinu á Róberti þó hann bryti sannarlega á honum. Það vakti athygli að á fundi aganefndar HSÍ á þriðjudaginn var ekki fjallað um málið og við eftirgrennslan kom í ljós að eftir að hafa skoðað atvikið þá sáu dómarar leiksins að sér og sendu ekki inn skýrslu og hafa beðið Þránd afsökunar á dómnum. Það er vissulega virðingarvert og ber að þakka slíka framgöngu. Eftir stendur þó að Þrándur var ranglega útilokaður frá lokakafla leiksins. En niðurstaðan er sem sagt sú að Þrándur getur tekið þátt í leiknum gegn ÍBV á laugardaginn kemur sem eru góðar fréttir því Þrándur hefur leikið afar vel í síðustu leikjum. Rifjum upp hvað Þrándur sagði um rauða spjaldið á sunnudaginn: „Þetta var fastur leikur frá byrjun til enda og langt frá því að vera grófasta brotið í leiknum. Þeir voru í því allan leikinn að kasta sér í gólfið og grípa um andlitið, sama hvort það var slegið í andlitið, bringuna eða hvað. Robbi gerði það og dómararnir létu plata sig. Vel leikið og vissulega sló ég fast í bringuna á honum en mér fannst þetta óverðskuldað rautt,“ segir Þrándur en nánar er rætt við hann á meðfylgjandi myndskeiði.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson