Elías yfirgefur Akureyri, fer aftur til Hauka

Elías Már Halldórsson rifti samningi sínum við Akureyri Handboltafélag nú á dögunum og lék sinn síðasta leik fyrir félagið gegn FH.

Elías kom til Akureyrar fyrir tímabilið í ár frá Haukum en Elías ákvað að rifta samningi sínum af persónulegum ástæðum. Hann gengur nú aftur til liðs við Hauka og mun leika með þeim eftir jólafríið.

Elías lék 16 leiki fyrir Akureyri og skoraði í þeim 41 mark sem gerir um 2,5 mörk í leik. Einu sinni var Elías valinn maður leiksins en það var í útileik gegn Stjörnunni þann 22. nóvember.

Við þökkum Elíasi fyrir samstarfið og óskum honum góðs gengis í framtíðinni.