
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Brynjar Hólm kominn af stað á ný eftir meiðsli

1. apríl 2015 - Akureyri handboltafélag skrifar

2. flokkur: Nítján marka sigur á KR í gær

Strákarnir í 2. flokki Akureyrar mættu svo sannarlega af fullum krafti í leikinn gegn KR í gær og sýndu enga miskunn. Þeir komust strax í 4-1 og forystan jókst jafnt og þétt, náði mest tuttugu mörkum undir lok leiksins þó að lokatölur yrðu aðeins nítján marka sigur, 34-15.

Eins og tölurnar gefa til kynna þá var getumunurinn á liðunum augljós en Akureyrarliðið keyrði af einbeitingu allan leikinn og greinilegt að leikurinn var notaður sem alvöru æfing fyrir lokaleikinn í deildinni sem er gegn Stjörnunni.

Það var ánægjulegt að sjá Brynjar Hólm Grétarsson í sínum fyrsta leik frá því að hann úlnliðsbrotnaði með meistaraflokki gegn Haukum þann 17. nóvember.

Allir leikmenn áttu skínandi leik og með svona leik og einbeitingu eru liðinu flestir vegir færir í framhaldinu.

Mörk Akureyrar: Birkir Guðlaugsson 8, Arnþór G. Finnsson 6, Arnór Þorri Þorsteinsson 5, Brynjar Hólm Grétarsson 4, Kristján Sigurbjörnsson 4, Patrekur Stefánsson 3, Heimir Pálsson 2 og Kristinn Ingólfsson 2.
Arnar Fylkisson stóð í markinu allan tímann og varði vel.

Nú er aðeins einn leikur eftir í deildinni en það er heimaleikur Akureyrar gegn Stjörnunni og verður sá leikur í Íþróttahöllinni á annan í páskum, mánudaginn 6. apríl klukkan 13:30.
Staðan í deildinni fyrir þann leik er sem hér segir:

Nr	Félag	Leikir	U	J	T	Mörk	Nettó	Stig
1.	Stjarnan	11	10	0	1	363:303	60	20
2.	Akureyri	11	7	1	3	313:274	39	15
3.	Grótta	12	7	1	4	362:339	23	15
4.	Fjölnir	12	5	2	5	346:304	42	12
5.	HK	12	6	0	6	346:359	-13	12
6.	ÍR	12	4	0	8	321:371	-50	8
7.	KR	12	0	0	12	270:371	-101	0

Eins og sjá má þá eru Akureyri og Grótta jöfn að stigum í 2. – 3. sæti. Í innbyrðisviðureignum liðanna standa þau einnig jafnt. Akureyri vann sinn heimaleik með þrem mörkum, 29-26 og Grótta vann sinn heimaleik sömuleiðis með þrem mörkum, 35-32 og þá er það heildarmarkamunurinn sem ræður röð liðanna. Eftir þennan stórsigur Akureyrar á KR á liðið 39 mörk í plús á meðan Grótta er með 23 og því situr Akureyri í 2. sætinu en Grótta í því 3.

Strákarnir ætla þó alveg örugglega að gefa allt í Stjörnuleikinn á mánudaginn og ekkert nema sigur er ásættanlegt. Þegar liðin mættust í Garðabænum þann 31. janúar vann Stjarnan þriggja marka sigur, 33-30.

Í framhaldinu verður 8 liða úrslitakeppni 2. flokks en í henni taka þátt sex lið úr 1. deildinni ásamt tveim efstu úr annarri deildinni og þangað ætla strákarnir sér.

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson