Hvernig lítur úrslitakeppnin út?


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Atli hefur mikla reynslu af úrslitakeppnum		3. apríl 2015 - Akureyri handboltafélag skrifar Hvernig lítur úrslitakeppnin út? Nú þegar deildarkeppninni er lokið tekur við átta liða úrslitakeppni þar sem leikið er um Íslandsmeistaratitilinn. Í fyrstu umferð, 8-liða úrslitum, þarf að vinna tvo leiki til að komast áfram í undanúrslitin. Leikið er heima og heiman en það lið sem var ofar í deildinni fær fyrri leikinn á heimavelli og komi til oddaleiks fær það einnig heimaleikinn. 8-liða úrslitin raðast svona upp: 1. Valur – 8. Fram 2. Afturelding – 7. ÍBV 3. ÍR – 6. Akureyri 4. FH – 5. Haukar Sigurvegarinn úr einvígi ÍR og Akureyrar mun mæta Aftureldingu eða ÍBV og sigurvegarinn úr einvígi Vals og Fram mun mæta annaðhvort FH eða Haukum. Það er stutt á milli leikja núna og er fyrsti leikur í úrslitakeppninni á þriðjudaginn og það á heimavelli ÍR, Austurbergi. Síðari leikur liðanna fer svo fram í Höllinni á Akureyri á fimmtudaginn. Akureyri kemur inn í úrslitakeppnina á fljúgandi ferð ef leikurinn gegn FH er undanskilinn. Lið ÍR hefur verið í vandræðum eftir áramót en náði að halda 3. sætinu. Það má vart sjá hvort liðið er sigurstranglegra, þó ÍR sé með heimaleikjaréttinn þá er Akureyri búið að sýna að liðið getur vel unnið sigur í Austurberginu. Núna er gjörsamlega allt undir, deildin er búin og við einbeitum okkur bara að einum leik í einu. Úrslitakeppnin er stútfull af spennu og skemmtun og þetta er sko tíminn sem við þurfum að styðja okkar lið. Hlutirnir eru fljótir að gerast og gangi allt að óskum getur Akureyri staðið uppi sem Íslandsmeistari. En við byrjum á liði ÍR á þriðjudaginn. Ef þú átt einhvern möguleika á að komast í Austurbergið þá hvetjum við þig til að mæta og láta í þér heyra. Við verðum að sjálfsögðu með Beinu Textalýsinguna okkar fyrir þá sem ekki komast en vilja fylgjast með. Áfram Akureyri!
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson