Sverre í viðtali við Moggann


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Reynsluboltinn Sverre lætur ekki sitt eftir liggja		28. apríl 2015 - Akureyri handboltafélag skrifar Sverre í viðtali við Moggann Það er ekkert frí í spilunum hjá Sverre Andreas Jakobssyni þessa dagana en hann tekur þátt í stórverkefni með íslenska landsliðinu þessa dagana. Leikur gegn Serbíu í Laugardalshöllinni á miðvikudagskvöldið og útileikur í Serbíu á sunnudaginn. Sverre er í viðtali við Morgunblaðið í dag um landsliðið og framhaldið en Sverre tekur sem kunnugt er við þjálfun Akureyri Handboltafélags í sumar. Varnarjaxlinn Sverre Jakobsson skoraðist ekki undan því að taka slaginn gegn Serbum í undankeppni EM í handbolta þegar eftir því var leitað. Eins og fram hefur komið hefur Sverre gælt við þá hugmynd að láta staðar numið með landsliðinu en hann er 38 ára gamall. Mikilvægur leikur er framundan gegn Serbíu í Laugardalshöll annað kvöld. Liðin mætast aftur í Serbíu á sunnudaginn en þjóðirnar eru í baráttu við Svartfjallaland um að komast í lokakeppni EM í Póllandi. Sverre ákvað að gefa kost á sér í leikina tvo en telur ólíklegt að landsleikir hans verði fleiri. Hann segir þó reynsluna hafa kennt sér að gefa ekki út yfirlýsingar um slíkt. „Við Aron (Kristjánsson landsliðsþjálfari) ræddum tvisvar sinnum saman. Maður á aldrei að gefa út yfirlýsingar, ég held að það sé langbest. Ég ætla alla vega að gefa kost á mér í þessa tvo leiki og langar til þess að kveðja landsliðið á jákvæðum nótum. Leikirnir gegn Serbíu eru hörkuverkefni gegn hörkuliði. Leikirnir skipta gríðarlegu máli og ég lít á þá sem mína síðustu leiki,“ sagði Sverre þegar Morgunblaðið ræddi við hann á landsliðsæfingu. Tæplega valinn í júní Sverrir bendir á að aðstæður hans muni tæplega bjóða upp á fleiri landsleiki af hans hálfu en undanriðlinum lýkur með tveimur leikjum gegn Ísrael og Svartfjallalandi í júní. „Eftir þessa törn verð ég lítið í handbolta næstu vikurnar. Þá tekur við smápása og lítill bolti notaður í æfingum í maí. Það er því ekkert víst að það henti að nota þennan gamla mann í leikina í júní. Í sumar byrja ég auk þess að þjálfa mitt lið fyrir norðan. Ef við horfum á aðstæður mínar frá og með sumrinu þá ættu þetta að verða síðustu landsleikirnir en ég ítreka að ég ætla ekki gefa neitt út.“ Sverre ávallt einbeittur í sínum leik og gefur ekkert eftir Sverre hefur tekið marga slagina með landsliðinu og því sjálfsagt erfitt að segja nei þegar landsliðsmennirnir þurfa á baráttumanni að halda í fyrirliggjandi orrustu. „Það er vissulega erfitt að segja nei. Það getur verið erfitt að hætta en maður þarf einnig að hlusta á líkamann. Mér líður ennþá vel, bæði andlega og líkamlega, og það vó svolítið þungt í þessari ákvarðanatöku. Ég myndi ekki taka þátt í þessu vitandi að ég væri ekki 100%. Ég hef æft vel í vetur og er nýbúinn að spila í úrslitakeppninni hér heima. Þess vegna gef ég kost á mér. Það væri draumur að skilja við landsliðið í góðri stöðu í riðlinum og fylgjast svo með þeim klára dæmið í júní.“ Sverre hefur árum saman staðið vaktina í miðri vörn Íslands. Þar var Ingimundur Ingimundarson einnig um nokkurra ára skeið. Til staðar í hópnum eru Vignir Svavarsson og Bjarki Már Gunnarsson en ljóst er að landsliðið þarf að eiga fleiri leikmenn sem geta spilað í vörninni miðri gegn bestu þjóðum heims. Sér Sverre einhverja vænlega arftaka? Áhætta getur leitt gott af sér „Ég ætla ekki að nefna nein nöfn á þessum tímapunkti en ég gæti gert það því ég sé fyrir mér nokkra leikmenn sem gætu leyst þessar stöður. Ég kom sjálfur aftur inn í landsliðið árið 2006 og hafði þá byrjað að spila aftur eftir liðlega níu mánaða pásu frá handbolta. Þá var landsliðið að fara í mikilvæga landsleiki gegn Svíum í undankeppni HM 2007. Menn spurðu Alla (Alfreð Gíslason þáverandi landsliðsþjálfara) hvað hann væri að gera og fæstum fannst þetta gáfulegt val hjá honum. Það reyndist vera allt í lagi þó ég segi sjálfur frá. Stundum þurfa menn bara að fá tækifæri og ef til vill kemur eitthvað jákvætt út úr því. Þá var tekin smááhætta og einnig þegar Diddi (Ingimundur Ingimundarson) var settur inn í miðja vörnina. Sverre og Ingimundur vanir að standa vaktina í vörninni Stundum þurfa menn að horfa opið á þetta og lesa út úr því. Miklar gagnrýnisraddir heyrðust varðandi bæði mig og Didda en árangurinn varð sæmilegur eftir það,“ bendir Sverre á en árangurinn sem hann kallar af hógværð sæmilegan er verðlaunasæti á Ólympíuleikum og í Evrópukeppni, 5. sæti á HM og 8-liða úrslit á Ól. „En ég tek það skýrt fram að þetta verður gríðarlega stórt skarð að fylla,“ sagði Sverre og brosti sínu breiða brosi sem landsmenn þekkja.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson