Heimir lítur yfir ferilinn - 2. hluti - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Heimir lék með ýmsum liðum árin 2002-2008		19. janúar 2016 - Akureyri handboltafélag skrifar Heimir lítur yfir ferilinn - 2. hluti Í gær hófum við birtingu á viðtali við Heimi Örn Árnason um feril sinn sem leikmaður og er nú komið að öðrum hluta viðtalsins. Ef þú átt eftir að lesa fyrsta hlutann þá mælum við eindregið með því að renna yfir hann áður en þessi hluti er lesinn. Þriðji og lokahlutinn kemur svo á morgun. Smelltu hér til að lesa 1. hluta viðtalsins Eftir Íslandsmeistaratitilinn með KA þá prófarðu nýja hluti og ferð til Haslum í Noregi, hvernig var tíminn í Noregi? Þetta var frábær tími og ég kynntist frábæru fólki í Noregi. Kristján Halldórsson var að þjálfa og reyndist mér mjög vel. Góður þjálfari og toppmaður. Það voru fjórir íslendingar í liðinu og við náðum vel saman. Ég var samt langmest með Tedda (Theódór Hjalta Valssyni) og Auði konunni hans. Þau voru alveg hrikalega flott og ég skulda þeim ennþá 150 matarboð (það kemur). Heimir gekk til liðs við Val eftir ár í Noregi Endurkoma til Íslands og þú gengur til liðs við Val, þrátt fyrir góðan árangur næst enginn titill, hvernig var tíminn í Val? Þrátt fyrir góðan tíma í Haslum þá langaði mig heim og byrjaði í kennó, eiginkonan (Martha Hermannsdóttir) fór svo fljótlega í tannlæknanámið. Mér leið mjög vel í Val þessi tvö ár enda fór ég þangað aftur 2008-2009 og þá aftur til Óskars Bjarna þjálfara enda toppþjálfari og gull af manni. Því miður þá byrjaði þarna Valur-Haukar grýlan, það er að segja við töpuðum alltaf fyrir Haukum í úrslitum og því miður fyrir Valsmenn þá er þessi grýla enn við lýði 11-12 árum síðar. Heimir tryggir hér Val sæti í úrslitum Íslandsmótsins 2004 með marki í bráðabana Svo blossar upp ævintýramennska og þú ert einn af aðalmönnunum bakvið að smala í lið Fylkis sem nær 4. sætinu í deildinni og þú ert valinn besti leikmaður ársins. Þetta hlýtur að hafa verið skemmtilegur tími? Þetta voru blendnar tilfinningar til að byrja með. Það var mjög erfitt að yfirgefa Valsmenn og ég var lengi að ákveða mig. En að hóa saman svona mörgum snillingum innan og utan vallar er einsdæmi í íslenskum handbolta. Auðvitað var þetta ævintýramennska og ég veit að sumum fannst þetta furðuleg ákvörðun hjá okkur en við sjáum svo sannarlega ekki eftir þessum tíma. Þetta var eitt af mínum skemmtilegustu tímabilum og þetta var frábært tímabil í alla staði. Með Fylki í baráttu við Sverre Þú spilar með landsliðinu á EM í Sviss 2006, nærð í heildina 23 landsleikjum og gerir 14 mörk. Persónulega hefði ég viljað sjá þig fá fleiri tækifæri með landsliðinu, hvernig var að vera hluti af þessu liði og finnst þér þú sjálfur hafa átt að fá fleiri tækifæri? Það var gaman að taka eitt mót, ég og Siggi Eggerts duttum svolítið óvænt inn í hópinn. En við stóðum okkur vel og ég var stoltur af minni frammistöðu. En varðandi landsliðið þá voru bara aðeins betri menn í minni stöðu og sumir eru þarna ennþá! Ég hefði reyndar viljað fá aðeins fleiri tækifæri í vörninni en það er ekkert grín að vera bara 183 cm í alþjóðlegum bolta! Heimir átti góðan leik með landsliðinu gegn Noregi á EM 2006 og má sjá nokkur tilþrif hans hér. Aftur reynirðu fyrir þér utan landsteinana og gengur til liðs við Bjerringbro-Silkeborg í Danmörku. Lendir snemma í meiðslum í hæl sem kemur í veg fyrir spiltíma og þú kemur aftur í Fylki. Hvernig var þessi upplifun og langaði þig aldrei aftur að fara út? Versta árið mitt á ferlinum. Fór mjög jákvæður út og ætlaði svo sannarlega að sanna mig. En eftir mánuð þá meiddist ég illa á hæl og það einfaldlega lagaðist aldrei á meðan ég var úti. Mjög svekkjandi og ég tala ekki mikið um þetta tímabil. Kem heim um áramót og við í Fylki stöndum okkur alls ekki nógu vel. Menn voru einfaldlega að spila undir getu nema þá kannski Hlynur Morthens enda ver hann nánast alltaf vel! Heimir kom aftur í Fylki eftir stutt stopp í Danmörku 2007-2008 leikurðu síðan með Stjörnunni og þú persónulega átt frábært tímabil, markahæsti og besti leikmaður deildarinnar þrátt fyrir að liðið hafi einungis náð 5. sæti deildarinnar Ég er mjög stoltur af þessum titlum, það er að segja markahæsti maður deildarinnar og leikmaður deildarinnar. En sérstaklega af markakóngstitlinum þar sem að ég spilaði oftast öfugu megin í hægri skyttunni. Liðið var gott en við misstum Patrek Jóhannesson í meiðsli mjög snemma. Það var gríðarlegt áfall því vörnin með hann í fararbroddi var rosaleg. En við meiðsli hans misstum við hæð og breiddin var ekki alveg nógu mikil. Samt sem áður skemmtilegt tímabil og fullt af frábærum strákum í liðinu. Heimir besti leikmaður N1 deildarinnar árið 2008 Tímann fyrir sunnan klárarðu svo með einu tímabili með Val þar sem þið verðið Bikarmeistarar, væntanlega verið gaman að ná loksins aftur að vinna titil? Það var góð ákvörðun að fara aftur á Hlíðarenda. Við spiluðum til úrslita í öllum mótum og unnum bikarinn. En eins og áður þá töpuðum við á móti Haukum í úrslitum, mjög svekkjandi. Töpuðum aðeins einum leik á heimavelli allan veturinn og það var í lokaúrslitunum. Smelltu hér til að lesa 3. hluta viðtalsins
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson