Hörkuleikur þó að Haukar tækju stigin


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Brynjar Hólm, Andri Snær og Mindaugas létu mikið að sér kveða í leiknum		7. október 2016 - Akureyri handboltafélag skrifar Hörkuleikur þó að Haukar tækju stigin Þó að Akureyri þyrfti að sætta sig við tap gegn Haukum á miðvikudaginn er ekki hægt að segja annað en að áhorfendur hafi fengið heilmikið fyrir peninginn, oft á tíðum frábær tilþrif í leiknum. Sókn Akureyrar var dálítið hikandi rétt í byrjun og Haukar skoruðu fyrstu tvö mörkin. Mindaugas sá um að jafna leikinn í 2-2 en í kjölfarið sigu Haukar framúr. Eftir að Andri Snær hafði minnkað muninn í 5-6 kom erfiður kafli þar sem Haukar skoruðu sex mörk gegn einu marki heimamanna og staðan orðin erfið, 6-12. Akureyri náði aðeins að rétta sin hlut fyrir hálfleik þannig að forysta Hauka var fjögur mörk, 10-14 í hálfleik. Róbert Sigurðarson fékk þrjár brottvísanir í fyrri hálfleiknum, ýmsum þóttu sumar hverjar fyrir litlar sakir þannig að hann tók engan þátt í seinni hálfleiknum. Akureyri byrjaði seinni hálfleikinn af krafti og minnkaði muninn í tvö mörk, 13-15 og komin spenna í salinn. Haukarnir náðu þó að þétta vörnina hjá sér og Janus Daði sem var allt í öllu í sóknarleik Haukanna tók til sinna ráða á ný. Hægt og bítandi juku Haukarnir forskotið á ný sem varð mest sjö mörk undir lokin en Akureyri átti góðan endasprett, skoruðu síðustu fjögur mörk leiksins þannig að þegar upp var staðið fóru Haukar með þriggja marka sigur 26-29. Munurinn á liðunum í dag var fyrst og fremst einn maður, Janus Daði Smárason átti sannkallaðan stórleik í liði Hauka, skoraði 9 mörk og var gjörsamlega heilinn í sóknarleik liðsins. Janus virtist geta skorað þegar honum sýndist og oft á tíðum þegar sóknarleikur Hauka var kominn í ógöngur tók hann til sinna ráða sem yfirleitt endaði með marki. Á löngum köflum virtust aðrir sóknarmenn Hauka einfaldlega bíða eftir því að Janus setti eitthvað í gang. Janus Daði potturinn og pannan í leik Hauka Meiðslalisti Akureyrarliðsins virtist ætla að lengjast enn frekar því Kristján Orri Jóhannsson meiddist á æfingu á mánudaginn og virtust ekki miklar líkur á að hann spilaði með en hann harkaði af sér og átti skínandi leik. Ungu mennirnir Brynjar Hólm Grétarsson og Patrekur Stefánsson áttu góða innkomu í sóknarleiknum og létu mikið að sér kveða. Patrekur Stefánsson kom ferskur inn í sóknarleikinn Andri Snær Stefánsson steig varla feilspor í sínum 200. Leik og sömuleiðis átti Mindaugas mjög góða spretti. Það var þó markvörðurinn Arnar Þór Fylkisson sem var valinn besti maður Akureyrarliðsins en hann átti flotta spretti og varði m.a. tvö vítaköst. Arnar Þór Fylkisson með viðurkenninguna sem besti maður Akureyrarliðsins Sem sagt, þrátt fyrir tap gegn stjörnum prýddu liði Íslandsmeistaranna sem áttu klárlega sinn besta leik á tímabilinu þá getur Akureyrarliðið tekið afar margt jákvætt úr leiknum sem mun nýtast í komandi verkefni en næsti leikur er útileikur gegn Fram, laugardaginn 15. október. Mörk Akureyrar: Andri Snær Stefánsson 6 (2 úr vítum), Brynjar Hólm Grétarsson 6, Mindaugas Dumcius 5, Kristján Orri Jóhannsson 4, Karolis Stropus 3 og Friðrik Svavarsson 2. Í markinu varði Arnar Þór Fylkisson 12 skot, þar af 2 vítaköst. Mörk Hauka: Janus Daði Smárason 9, Guðmundur Árni Ólafsson 7, Hákon Daði Styrmisson 5, Daníel Þór Ingason 3, Heimir Óli Heimisson 2, Jón Þorbjörn Jóhannsson 2 og Adam Haukur Baumruk 1 mark. Í marki Hauka varði Giedrius Morkunas 10 skot.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson